Search

You may also like

Virowend vun Nationalfeierdag zu Biissen – Mir all si Lëtzebuerg
Neiegkeeten

Virowend vun Nationalfeierdag zu Biissen – Mir all si Lëtzebuerg

Mam Virowend vun Nationalfeierdag huet d’Gemeng Biissen sech getraut e

Frankräich féiert Impfflicht fir Fleegepersonal an
Neiegkeeten

Frankräich féiert Impfflicht fir Fleegepersonal an

A senger Televisiounsusprooch un d‘Vollek, huet de President vu Frankräich

Den US-Milliardär an de Coronavirus
Neiegkeeten

Den US-Milliardär an de Coronavirus

Geet et dem US-President no, dann erleedegt d‘Fréijoer dës neiaarteg

Huet d’Regierung d’Formatioun am Gesondheetssecteur vergiess?

Huet d’Regierung d’Formatioun am Gesondheetssecteur vergiess?

Zënter 2001 setzt d’ALEPS (Associatioun Luxembourgeoise des Enseignants pour Professions de Santé) sech fir d’Qualitéit am Enseignement am Gesondheetsberäich an, woubäi och reegelméisseg déi politesch Responsabel opgefuerdert ginn, fir méi Moyenen zur Formatioun bereet ze stellen. Hei trëfft een allerdéngs säit laangem op daf Oueren.

Den Asaz vun de Schüler a Studenten, déi fräiwëlleg an der sanitärer Reserve vun de Lëtzebuerger Gesondheetsinstitutiounen, respektiv vun den Enseignanten, déi an den Zentre fir erweidert Fleeg geschafft hunn, huet sech wärend der Pandemie als noutwenneg an ausseruerdentlech hëllefsräich erausgestallt.

Allerdéngs wieren och genee an de leschte Méint divers Froen bei de betraffenen Acteuren opkomm. Dobäi geet et ëm de weidere professionelle Verlaf vun de Schüler a Studenten, déi hir Stagen nohuele mussen a mam Risiko konfrontéiert sinn, um Enn vun der Formatioun keen Diplom an der Täsch ze hunn.

Zwar kéinte si zu all Ament d’Enseignanten kontaktéieren, mee d’Äntwerte sinn heiansdo vague. Duerch konstant Ännerungen vun den Informatiounen fille si sech duercherneen. Natierlech ass den Enseignant net responsabel fir de Manktem u Koordinatioun säitens dem Ministère. An awer sinn den LTPS, seng Enseignanten a Schüler déi Leeddroend.

De Ministère fir national Bildung, de Ministère fir Héichschoul a Fuerschung, sou wéi de Gesondheetsministère huelen Entscheedungen, ouni dobäi d’Acteure vun der Formatioun anzebezéien. Genee dat war och de Fall um 1. Mee, wou de Premier Xavier Bettel de Projet vum Lycée de Soins, eng Kooperatioun mat Frankräich presentéiert huet – ee Projet, bei deem d’Lëtzebuerger Acteuren net consultéiert gi sinn.

Scho säit dem 31. Januar fuerdert d’ALEPS eng Entrevue mam Minister Meisch, fir esou urgent Froen zu de spezifesche Formatiounen a Krisenzäiten beäntwert ze kréien. Nach ëmmer waart d’Associatioun op eng Reaktioun säitens dem Minister fir Héichschoul a Fuerschung.

Méi Opmierksamkeet fir d’Formatioun vun zukünftege Professionellen am Gesondheetsberäich

D’Léierpersonal vum LTPS an d’Membere vum Office de Stage ginn hiert Bescht, fir eng qualitativ héichwäerteg Ausbildung ze offréieren, bei deem d’Schüler mat engem Ofschlossdiplom d’Schoul verloosse kënnen, deen dem exigente Programm gerecht gëtt.

An de leschte 25 Joer hunn d’Regierungen vergiess, hei déi néideg Ënnerstëtzung unzebidden. Doduerch senkt d’Attraktivitéit an d’Unzéiungskraaft vu Beruffer am Gesondheetssecteur – ee Beräich deen essentiell ass. De Manktem u Fleegepersonal kënnt net vun ongeféier.

Aus dësem Grond hofft d’ALEPS dorobber, datt d’Lëtzebuerger Regierung endlech Moossnamen trëfft, fir esou eng noutwenneg Reform duerchzesetzen an d’Formatioun vun den zukünftege Professionellen am Secteur ze verbesseren. Dobäi mussen den Avis vun den Experten berécksiichtegt ginn.

Opmaacherbild: © Aarón Blanco Tejedor / Unsplash

Related topics ALEPS, Claude Meisch, Daf Oueren, Diplom, Educatiounsministère, Fleegepersonal, Formatioun, Gesondheetssecteur, Ministère fir Héichschoul a Fuerschung, Reform, Stage, Verbesserung, Zukunft
Next post Previous post