Search

You may also like

Komplette Fondamental a Maison Relais Waldbëlleg a Quarantaine
International Kultur Neiegkeeten

Komplette Fondamental a Maison Relais Waldbëlleg a Quarantaine

Tëscht dem 19. an 25. Januar 2021 goufe 5 positiv

LSAP: Zesumme staark duerch Sammelkloen
International Kultur Neiegkeeten

LSAP: Zesumme staark duerch Sammelkloen

Verbraucher zu Lëtzebuerg sollen an Zukunft d’Méiglechkeet kréien, zesumme Kloen

Medezineschen Tourismus: „e Mythos!“ esou MdM
International Kultur Neiegkeeten

Medezineschen Tourismus: „e Mythos!“ esou MdM

En Donneschdeg huet d‘ONG „Doktere vun der Welt“ (MdM) säi

D’Frankfurter Buchmesse gëtt Rout Wäiss Blo!

Um Mëttwoch, de 16. Oktober 2019 huet déi grouss Frankfurter Buchmesse hir Dieren opgemaach. Et ass elo fir eng zweete Kéier, datt och Lëtzebuerger Editeure bei dësem bedeitenden Evenement dierfen dobäi sinn. Bei der Aweiung vum Lëtzebuerger Stand war natierlech d’Kulturministesch Sam Tanson mat dobäi.

Wéi d’Ministesch um Stand bei der Frankfurter Buchmesse erkläert huet, géif een iwwert de Programm vu Reading Luxembourg zur internationaler Visibilitéit vum Groussherzogtum als literarescht Land bäidroen. „Déi ëmfaassend Panoplie un exzellente Wierker, déi zu Lëtzebuerg entstane sinn, verdéngen et unerkannt an am Ausland verbreet ze ginn. Andeems mir ab 2020 eis Presenz bei weideren internationale Foiren, wéi dem Salon du Livre oder dem Marché de la Poesie zu Paräis, weiderentwéckelen, verstäerke mir eis Efforte fir eise literaresche Räichtum mam Rescht vun der Welt ze deelen.“

Frankfurter Buchmesse

© MCULT

Zu Frankfurt ass den nationale Bichersecteur mat engem Stand vu 64 m² present. Dës Fläch ass opgedeelt an een Espace Business fir d’Promotioun vun den Editeuren, priméierte Bicher an Iwwersetzungen, sou wéi ee Beräich ReadingLX fir d’Presentatioun vun de Lëtzebuerger Bicher, eiser Kultur a Literatur.

Vum 16 bis den 20. Oktober 2019 sinn 170 Titele vun 9 Editeuren um Lëtzebuerger Stand op der Frankfurter Buchmesse ze fannen: Black Fountain Press, Capybarabooks, Editions Gérard Klopp, Editions Guy Binsfeld, Editions Phi, Editions Saint-Paul, Hydre Editions, Kremart Editions an Op der Lay. Nach bis e Sonndeg soll hei eng Plattform vum Kenneléieren, dem Echange, der Presentatioun an engem kulturelle Programm gebuede ginn.

Zënter 2018, duerch eng Kollaboratioun tëscht dem Kulturministère an der ALAC, koordinéiert Reading Luxembourg d’Presenz vu Lëtzebuerg op der Frankfurter Buchmesse a fërdert esou den Export vun den nationale Wierker, themateschen Atelieren an d’Rees vun der Press op dëst Evenement.

Related topics ALAC, CNL, Frankfurter Buchmesse, Kulturministère, Literatur, Reading Luxembourg, Sam Tanson
Next post Previous post