Search

You may also like

Do huet nees een net alles verstanen (Kommentar)
Kultur Neiegkeeten

Do huet nees een net alles verstanen (Kommentar)

Dem Ausseminister Jean Asselborn (LSAP) seng kritesch Siicht op de

Atomwaffe sinn iwwerflësseg!
Kultur Neiegkeeten

Atomwaffe sinn iwwerflësseg!

„QuattroPax“ dat grenziwwerschreidend Friddensnetzwierk an eiser Groussregioun, deelt um 76.

D’Verhandlunge vum Kollektivvertrag vun de Buschauffere gi weider
Kultur Neiegkeeten

D’Verhandlunge vum Kollektivvertrag vun de Buschauffere gi weider

No eestëmmege Walen op der Konferenz vun den Delegéierten den

„Fréier wor alles“ – Eng satiresch Chronik um 27. Februar 2020

Vun a mam Jhemp Hoscheit a Jules Arpetti

„Fréier wor alles“ – Eng satiresch Chronik um 27. Februar 2020

An hirem zäithistoresche Réckbléck kucken déi zwee Artisten op eng virdigital Zäit zréck. D’Zäiten änneren sech, heescht et, an dat an engem Tempo, datt een net méi richteg nokënnt. Mir lafen dem Fortschrëtt hannendrun an en ass eis ëmmer e Schrëtt viraus.

No ‘Sorry fir deen Duercherneen’ (2017) a ‘Märd alors!!!’ (2019) ass dës neikabarettistesch Liesung eng ofwiesslungsräich, satiresch Zäitrees vun de 60erJore bis haut. Vum Analoge bis zum Digitalen: Vum Schlappekino bis zum Netflix, vum Haustelefon bis zum iPhone, vun der Musekcassette bis zum Streaming, vum Thé Dansant bis zur Technoparty, vum Homo erectus bis zum Smombie.

A Floppy, Dolby a Wifi ware keng Disney-Figuren … Humor, Ironie a Wuertwitz verbannen sech mat enger Dosis Nostalgie an natierlech mat de passende Lidderzitater aus där Zäit. Vergaangenes gëtt awer net nëmme just opgewiermt, mee kritesch hannerfrot a mat Aktuellem opgekacht.

De Jhemp Hoscheit trëtt am Rollespill an am Dialog mam Museker a Gitarrist Jules Arpetti op, deen net nëmme kabarettisteschen Textinterpret ass, mee och mat de passende Songen an Oldies fir déi zousätzlech musikalesch Ambiance suergt.

Alles am Bléck

D’Kulturfabrik invitéiert den 27. Februar 2020 op déi satiresch Chronik „Fréier wor alles“. D’Diere maachen um 20:00 Auer op. Ticketen ginn et fir 10 € ënnert reservation@steinsel.lu oder Telefonsnummer 332 139 1.

Related topics Cabaret, Fréier wor alles, Jhemp Hoscheit, Satire, Steesel, Theater, zäithistoresche Réckbléck
Next post Previous post