Search

You may also like

surprise
De Reen ass déi gréisste Gefor fir eis all an dëser neier Serie
Neiegkeeten

De Reen ass déi gréisste Gefor fir eis all an dëser neier Serie

The Rain ass déi éischt dänesch Produktioun vun Netflix. An

250.000 Villercher kënnen esou d’Liewe gerett kréien
Neiegkeeten

250.000 Villercher kënnen esou d’Liewe gerett kréien

Den Asaz vu Glas ass hautdesdaags esou villfälteg, datt et

Bréissel wëll d‘Rechter vun der LGBTQI-Communautéit stäerken
Neiegkeeten

Bréissel wëll d‘Rechter vun der LGBTQI-Communautéit stäerken

Der EU-Kommissioun ass elo och opgefall, datt d‘Diskriminéierung vu sexuelle

Gedenkfeier vun der KPL um russesch-sowjeteschen Denkmal zu Esch

„D'Sowjetunioun huet d'Haaptlaascht am Kampf géint de Faschismus gedroen“

Gedenkfeier vun der KPL um russesch-sowjeteschen Denkmal zu Esch

Zum 75. Joresdag zur Befreiung vun Europa vum Faschismus huet d’KPL – trotz den aktuell ongewéinlechen Ëmstänn – um 9. Mee Blummen um russesch-sowjeteschen Denkmal um Lallenger Kierfecht néiergeluecht, fir allen ze gedenken, déi dozou bäigedroen hunn, de Faschismus ze besiigen. Um Denkmal hate sech Membere vun der KPL an der Association des Anciens Maquisards Luxembourgeois mam Fändel opgestallt.

An enger kuerzer Usprooch huet de KPL-President Ali Ruckert dorunner erënnert, datt d’Sowjetunioun d’Haaptlaascht vum Krich gedroen huet. Hien huet der Rouder Arméi, der Kommunistescher Partei vun der Sowjetunioun an der sowjetescher Bevëlkerung, mee och den US-amerikaneschen Zaldoten, déi eist Land vun den Nazie befreit hunn, an allen anere Kräfte vun der Anti-Hitler-Koalitioun, Partisaneverbänn a Resistenzorganisatiounen Dank a Respekt gezollt an huet sech verwiert géint gezilt Bestriewungen, fir d’Roll vun der Sowjetunioun, déi mam Dout vu 26 Millioune Bierger déi gréisst Affer bruecht hunn, beim Bekämpfe vu Faschismus erofzespillen, bezéiungsweis ze leugnen.

Faschismus

© KPL

Hien huet och dorunner erënnert, datt de Kampf vun de Lëtzebuerger Kommuniste géint den Hitlerfaschismus schonn 1933 mat der Ënnerstëtzung vun der illegaler KPD an Däitschland ugefaangen huet an datt 1936, wou faschistesch Genereel géint déi republikanesch Regierung a Spuenien geputscht hunn, déi meescht Spuenienkämpfer vu Lëtzebuerg aus a Spuenien gaange sinn an an der Internationaler Brigad mat der Waff an der Hand d’Demokratie an d’Fräiheet verdeedegt hunn. Si ware Kommunisten.

Donieft huet hien och drun erënnert, datt d’KPL déi eenzeg politesch Partei war, déi no der Besatzung vum Land duerch d’Nazien an d’Illegalitéit gaangen ass a Widderstand géint d’Hitlerfaschiste geleescht huet.

Och haut gëllt et, mat de steigende rietsextremen a faschisteschen Tendenzen, wuechtsam ze bleiwen, sou de KPL-President, well „der Schoß ist fruchtbar noch, aus dem das kroch“, wéi den däitsche Schrëftsteller a Kommunist Bertold Brecht et als Warnung géint déi dreeënd nei Stäerkte vum Faschismus formuléiert huet. Dëse Schouss ass de Kapitalismus, deen den Nierbuedem fir déi oppen, terroristesch Diktatur vum Grouss- a Finanzkapital bilt.

Matgedeelt vun der KPL

Opmaacherfoto: © KPL

Related topics Ali Ruckert, Befreiung, Europa, Faschismus, Gedenkfeier, Hitler, Kapitalismus, KPL, Krich, Sowjetunioun
Next post Previous post