Search

You may also like

Italien: Kann sech d‘Lega Nord an de Regionalwahlen duerchsetzen?
International Neiegkeeten

Italien: Kann sech d‘Lega Nord an de Regionalwahlen duerchsetzen?

Et war nees där Optrëtter een, deen un däischter Zäiten

D‘Britte loossen eis op der Brexit-Rechnung sëtzen
International Neiegkeeten

D‘Britte loossen eis op der Brexit-Rechnung sëtzen

Am November 2017 huet et nach Montante ginn, déi tëscht

déi gréng: Jidderengem säin Daach iwwert dem Kapp
International Neiegkeeten

déi gréng: Jidderengem säin Daach iwwert dem Kapp

En Donneschdeg hunn déi gréng am Kontext vun de Chamberwahle

Géint d‘Gewalt u Fraen: Tierkesch Police setzt Tréinegas an

Géint d‘Gewalt u Fraen: Tierkesch Police setzt Tréinegas an

Um internationalen Dag géint d‘Gewalt u Fraen a Meedercher gëtt zu Istanbul eng Demonstratioun mat Tréinegas a Gummiskugelen opgeléist. 2.000 Mënschen – déi meescht dovunner Fraen – haten sech zu Istanbul am Stadzentrum versammelt fir géint d‘Gewalt ze demonstréieren. Den Autoritéite gëtt virgeworf d‘Täter net zur Verantwortung ze zéien.

Bei der Demonstratioun zu Istanbul hu Frae Plakater mat de Nimm vun den Affer héichgehalen. Si géifen op Strooss goe fir géint d‘Feinde vun de Fraen ze demonstréieren. D‘Organisateure bekloen, datt d‘Zuel vun de Fraen déi duerch hire „Partner“ ëmbruecht ginn, erhieflech geklommen ass, mee an der Ëffentlechkeet kaum wann iwwerhaapt iwwert dës „Virfäll“ geschwat gëtt.

Gewalt géint Fraen awer ass an der Tierkei e wäitverbreete Problem. Esou hat am August de Mord um Emine Bulut kuerzzäiteg fir Opmierksamkeet gesuergt. Hiren Ex-Mann hat d‘Fra an engem Restaurant virun den Ae vun der zéngjäreger Duechter ëmbruecht. An dësem Fall konnten awer och d‘Riichter d‘Aen net méi verschléissen an hunn de Täter zu liewenslaanger Haft veruerteelt.

Laut deene vun enger tierkescher Fraerechtsgrupp, sinn zanter Ufank vum Joer, an der Tierkei 378 Fraen ëmbruecht ginn. 2018 waren et der 440. bei mindestens 25% vun dëse Morde sinn d‘Männer vun de Fraen d‘Täter. An der Tierkei gëllt et als „Normal“ seng Fra ze züchtegen, firwat d‘Justiz kaum géint d‘Täter virgeet. A wann se demonstréiere gi se mat Tréinegas gezësst.

mat indymedia/tlv

Foto: Déi Tierkesch Police huet zu Istanbul e Méindeg massiv Tréinegas a Gummiskugele géint d‘Demonstrante agesat. Déi wollten um internationalen Dag géint d‘Gewalt u Frae a Meedercher fir méi Rechter a méi Justiz demonstréieren. © SchnückNetwork

Related topics Gewalt géint Fraen, Gummikugelen, Istanbul-Konventioun, Police, Tierkei, Tréinegas
Next post Previous post