Search

You may also like

What the Fakt – Viru 15 Joer huet de Montecore säi Meeschter mam Hals geholl
Kultur Neiegkeeten

What the Fakt – Viru 15 Joer huet de Montecore säi Meeschter mam Hals geholl

An de 60er Joer haten de Siegfried a Roy eng

What the Fakt – de weltwäiten Dag géint Tuberkulos
Kultur Neiegkeeten

What the Fakt – de weltwäiten Dag géint Tuberkulos

Wéi all Joer gëtt um 24. Mäerz den internationalen Dag

Spärung op der Autobunn A1 duerch Abattement vu Wëllschwäin
Kultur Neiegkeeten

Spärung op der Autobunn A1 duerch Abattement vu Wëllschwäin

Um haitegen Donneschdeg, de 25. Juli wäert d’Autobunn A1 tëscht

D’Gemeng Lëtzebuerg gëtt Hetzer eng Plattform. Wien ass dofir verantwortlech?

D’Gemeng Lëtzebuerg gëtt Hetzer eng Plattform. Wien ass dofir verantwortlech?

An der Nuecht op Nationalfeierdag ass den Här Tun Tonnar op der Bühn op der Theaterplaz opgetrueden, an huet a senge Lidder géint Lëtzebuerg, géint déi groussherzoglech Famill, wéi och géint politesch Meenunge gehetzt.

“Féck Lëtzebuerg”
“Féck den Haff”
“Féck ADR” asw.

Een Affront géint eis Natioun, géint eist Land, géint all seng Awunner, déi dat Land gär hunn, géint eis groussherzoglech Famill, an dat kuerz nom Doud vum Groussherzog Jean, ganz besonnesch géint déi Leit, déi sech fir dëst Land agesat hunn a mam Liewe bezuelt hunn, a géint hir Familljen, géint all déi feierlech Rieden, déi op Nationalfeierdag iwwerall am Land gehaal gi sinn, a wou op Matenee gepocht ginn ass, a géint eis politesch Debattekultur.

Leit déi et live héieren hunn, ware schockéiert!

D’Gemeng Lëtzebuerg ass als Organisateur och verantwortlech fir dat wat op hire Concerte gebuede gëtt, an dat heiten ass hei näischt aneschtes wéi Hetz. Um Internet hätt een, wann ee gesicht hätt, am Virfeld vill Informatioune iwwer Lidder fonnt, an deenen den Här Tun Tonnar géint Lëtzebuerg a géint déi groussherzoglech Famill hetzt. Ausserdeem leeft nach e Prozess vum Parquet géint den Här Tun Tonnar wéinst Beleidegung.

Dofir ass et net ze entschëllegen, datt et zu esou eppes konnt kommen, a mir froen eis dowéinst wien de politesch Verantwortleche vun där Organisatioun an der Gemeng Lëtzebuerg ass.

Den Optrëtt gehéiert iwwregens zur ‘stayfou tour 2019’, wou den Här Tun Tonnar matmécht. Weider Optrëtter sinn am Summer an de Gemenge Péiteng, Miersch, Mamer, Klierf a RuedSyr geplangt. Wuel och op Käschte vun de Steierzueler.

Matgedeelt vun der Initiativ Wee2050

Related topics Concert, Nationalfeierdag, Theaterplaz, Tun Tonnar, Wee 2050
Next post Previous post