Search

You may also like

Burkaverbuet: De Staatsrot an d‘Regierung ginn sech net eens
International Neiegkeeten

Burkaverbuet: De Staatsrot an d‘Regierung ginn sech net eens

Mat engem Gesetz zum Vermummungsverbuet, dat beim Staatsrot einfach keen

UN-Sécherheetsrot verurteelt Gewalt am Myanmar
International Neiegkeeten

UN-Sécherheetsrot verurteelt Gewalt am Myanmar

Eestëmmeg – also och mat de Stëmme vu China a

Alles Guddes un d’Philharmonie – 15 Joer voller Kultur!
International Neiegkeeten

Alles Guddes un d’Philharmonie – 15 Joer voller Kultur!

15 Joer Philharmonie – dat muss gefeiert ginn! Schliisslech ass

Geriicht zu Washington veruerteelt Islamesch Republik Iran

Teheran sol 180 Milliounen US-Dollar Schuedenersatz un amerikanesche Journalist bezuelen

Geriicht zu Washington veruerteelt Islamesch Republik Iran

Zu Washington huet e Geriicht den Iran zu engem Schuedenersatz vun 180 Milliounen US-Dollar veruerteelt. Dat well den Journalist Jason Rezaian, deen déi duebel Staatsbiergerschaft (US / Iran) huet, zu Teheran 544 Deeg am Prisong gesiess ass. Hie war 2016 zesumme mat dräi weideren US-Staatsbierger fräigelooss ginn, nodeems Washington siwen Iraner „begnodegt a fräigelooss“ hat.

GeriichtDatt déi vum Journalist ugestriefte „Klo“ e politeschen Hannergrond hätt, weist d‘US-Justiz zréck. Woubäi dëse Prozess beschtefalls e symboleschen Akt an net ze vollstrecken ass. An der Uerteelsbegrënnung vum US-Bundesriichter Richard Leon heescht et: „Ee Mann als Geisel ze halen an hien ze folteren, vir bei Verhandlunge mat den USA e Virdeel ze hunn ass verwerflech“.

Bezunn op d‘Ënnerlagen déi d‘Geriicht virgeluecht huet, wier dem US-Iraner ënnert anerem mat „Hiriichtung“ gedreet ginn. Dat verstéisst géint US-Prinzipien a Wäerter, firwat en Uerteel zugonschte vum Journalist och en däitleche Message un d‘Ajatollahen zu Teheran soll sinn. Et ass allerdéngs net dovunner auszegoen, datt de Jason Rezaian elo vun den Iraner dat Geld och kritt.

GeriichtBleift nach ervirzehiewen, datt op den Dag wou de Journalist fräigelooss gouf, dat internationaalt Atomofkommes a Kraaft getrueden ass an d‘USA wéi d‘EU e puer vun de Sanktioune géint den Iran opgehuewen hunn. D‘Atomofkommes huet den Donald Trump dann am Mee 2018 eesäiteg gekënnegt an d‘Sanktiounen net nëmmen nees agefouert mee och nach verschäerft.

mat indymedia/was

Foto: De Jason Rezaian huet an sengem Buch „Prisoner“ (Ecco Books Verlag) iwwert seng Erfarunge mam iranesche Justizsystem an wéi et do am Prisong ausgesäit, geschriwwen. © Jason Rezaian (promo)

Related topics Geisel, Haft, Iran, Jason Rezaian, Uerteel, US-Aussepolitik, Washington Post
Next post Previous post