Search

You may also like

D’MS Aquarius gezwongen seng Missioun anzestellen
Neiegkeeten

D’MS Aquarius gezwongen seng Missioun anzestellen

Während Refugiéeë, Migranten an Asyl-Demandeure weider am Mëttelmier erdrénken, ass

What the Fakt – Weltdag vun de Komplimenter
Neiegkeeten

What the Fakt – Weltdag vun de Komplimenter

Wat kéint méi schéi sinn, wéi geleeëntlech ee léift Wuert

e-Lake 2019 – Ee fiichte Festival mat Bosse, Querbeat a Co
Neiegkeeten

e-Lake 2019 – Ee fiichte Festival mat Bosse, Querbeat a Co

Wat ee Weekend um Iechternacher Séi! Och an dësem Joer

Eis Geschäfter, Eis Aarbechtsplazen, Eis Zukunft!

Eis Geschäfter, Eis Aarbechtsplazen, Eis Zukunft!

Mat dësem Motto huet déi gréisste Gewerkschaft am Land, den OGBL, eng Campagne lancéiert, fir esouwuel den Eenzelhandel ze stäerken, wéi och d‘Aarbechtsplazen an dësem Secteur nohalteg ze sécheren. An dësem Kontext gouf et dann och eng Entrevue mam Aarbechtsminister Dan Kersch (LSAP), deem d‘Gewerkschaft déi sechs Proposen erläutert huet.

Bei dëse Virschléi handelt et sech ëm:

  • ee sektorielle Kollektivvertrag fir kleng Geschäfter;
  • ee Plang zum Erhalt vun den Aarbechtsplazen am Eenzelhandel;
  • Akafsbongen déi vun der ëffentlecher Hand gedroe ginn;
  • d‘Afréiere vun de Loyeren;
  • ee Moratoire fir de Bau vun Akafszentren (bis 2023);
  • gereegelt Aarbechtszäiten.

Säitens dem OGBL gouf betount, datt den Aarbechtsministère hei eng wichteg Roll ze spillen huet, a besonnesch am Bezuch op d‘Aarbechtszäiten, wéi och der Aféierung vun engem sektorielle Kollektivvertrag, de Pouvoir huet op d‘Patronen Afloss ze huelen. Esou ass da bei dëser Entrevue och grousse Wäert drop geluecht ginn, de Wee fir eng Reform vum Gesetz zu de Kollektivverträg anzeschloen. Vum sektorielle Kollektivvertrag profitéiere jo all déi concernéiert Acteuren.

Am Gespréich mam Dan Kersch hunn sech d‘Vertrieder vum OGBL nach eppes méi déifgräifend mat der Fro betreffend d‘Kuerzaarbecht beschäftegt. En Instrument, dat vu gewësse Patronen no eegenem Gusto ausgeluecht gëtt, an derzou féiert, datt vill Salariéeë ganz „flexibel“ hirer Aarbecht nokomme mussen. Wat hei gemengt war huet de Minister gutt verstanen, an de Gewerkschaftler verséchert, datt dat seng Leit an d‘Aarbechtsinspektioun (ITM) entspriechend uecht dinn.

Fir de Recht, soll de Minister Dan Kersch, nach säi groussen Interessi fir d‘Campagne vum OGBL zum Ausdrock bruecht hunn, an dann och eng Rei vun de Proposen als valabel bezeechent hunn. Ob dat schonn duergeet fir dës Ëmzesetzen, a wat de Patronatsverband vun dëse Virschléi hält, muss d‘Zukunft weisen. Mat Géigewier sollt den OGBL allerdéngs rechnen…

Foto: © OGBL – Syndikat Handel

Related topics Aarbechtsminister, Campagne, Dan Kersch, OGBL, sektorielle Kollektivvertrag, Syndikat Handel
Next post Previous post