Search

You may also like

Dateschutz: D’Reklamatiounen hu sech 2018 verduebelt
Neiegkeeten

Dateschutz: D’Reklamatiounen hu sech 2018 verduebelt

Déi national Dateschutzkommissioun (CNPD) huet gëschter hire Rapport vum Joer

Demonstratioun vun der Muecht
Neiegkeeten

Demonstratioun vun der Muecht

Wa Frankräich säin Nationalfeierdag ganz ënnert d‘Zeeche vun der europäescher

Chantier op der A1 tëscht den Echangeure Mënsbech a Sennengerbierg (02.-05.07.2021)
Neiegkeeten

Chantier op der A1 tëscht den Echangeure Mënsbech a Sennengerbierg (02.-05.07.2021)

D’Stroossebauverwaltung deelt mat, datt op der A1 tëscht dem Echangeur

Glow-Up – Wéi al Behälter zum Liichte bruecht ginn!

Glow-Up – Wéi al Behälter zum Liichte bruecht ginn!

Eng weider kreativ Iddi kënnt aus dem Lycée Michel Lucius! Mat der Mini-Entreprise „Glow-Up!“ loossen 8 Schüler aus alen, ongenotzte Géigestänn, a Kombinatioun mat immenser Originalitéit an eemolegen Afäll, genial Käerzen entstoen!

Ziel ass et, alle Leit dobaussen ze weisen, datt een all Objet „an een neit Liicht“ setze kann, andeems beispillsweis futtis gliese Bieren, al Amaachglieser oder aner divers Behälter mat biologeschem Wuess oder Ueleg gefëllt ginn, bis datt eng kënschtleresch an ausgefale Käerz entsteet. Ob als Cadeau oder fir den Eegebedarf, esou schenkt ee sécherlech all Doheem ee richtege Bléckfang.

glow-up

Gesäit dat net richteg kreativ aus? © Glow-Up

Souwuel den hëlzene Support, op deenen d’Käerze stinn, sou wéi d’Metallkäpp, mat deene verschidde Modeller zougemaach sinn, bestinn natierlech aus recycléiertem Material. An ee weideren immens positiven Aspekt sollt een op kee Fall vergiessen: Een Deel vum Erléis geet direkt un d’Déierenasyl, wouduerch een also net nëmmen sech selwer, mee och zuelräiche Muppen a Katzen eng richteg Freed mëscht!

Op gliese Bier oder Amaachglas, alles eegent sech fir d’Käerzen! © Glow-Up

Wa bei Iech elo den Interessi erwächt ass, da sollt Dir Iech onbedéngt op Facebook an Instagram Glow-Up ukucken. Op dëse Säite ginn och déi nächst Rendez-vousen uginn, wou dir op verschidde Verkafsplazen déi originell Käerze kafe kënnt.

Related topics Glow-Up!, Käerzen, Kreativitéit, Mini-Entreprise
Next post Previous post