Search

You may also like

D‘Bevëlkerung schützen ouni de Schutz vun de Salariéeën ze afferen
Kultur Neiegkeeten

D‘Bevëlkerung schützen ouni de Schutz vun de Salariéeën ze afferen

Mam Fortschreide vun der globaler sanitärer Kris, verstäerken sech och

Net noloossen! Et gesäit besser aus wéi et ass
Kultur Neiegkeeten

Net noloossen! Et gesäit besser aus wéi et ass

Zu Lëtzebuerg ass ee sech säitens der Regierung, och oder

Lampertsbierger Syndikat: Ze vill Verkéier, ze vill Schüler, net genuch gréngs
Kultur Neiegkeeten

Lampertsbierger Syndikat: Ze vill Verkéier, ze vill Schüler, net genuch gréngs

Op der Generalversammlung vum Lampertsbierger Syndikat, deen och Member vun

Go By Brooks: Op der Sich no der grousser Léift

Go By Brooks: Op der Sich no der grousser Léift

Fir Go By Brooks gouf et trotz Pandemie kee Stëllstand: Mat „How To Sing To A Man“ stelle si haut hiert fuschneit Lidd vir, bei deem op ironesch Aart a Weis iwwert déi schwiereg Sich no sengem Séileverwandten ass.

No der Verëffentlechung vun hirem Album „Another Flame“ am Dezember 2018, enger uschléissender Tour duerch d’Summerfestivaller an der Single „Lost“ am Hierscht 2019 gëtt et elo en neit Wierk fir d’Ouren, d’Aen an d’Séil. Dat liewegt Summerlidd iwwerzeegt duerch seng Dynamik, de frësche Klang an den deelweis leedgefëllten Ënnertoun. Mee d’Léift huet nu emol souwuel positiv, wéi och negativ Säiten.

Komponéiert gouf d’Lidd vum Laetitia Koener an dem Nicolas Palumbo. Ëm den Arrangement an d’Produktioun huet sech de Bandensembel vum Sacha Heck (Bass), Jérôme Moes (Piano) a Steve Krippler (Batterie) gekëmmert. Mat den Opnamen an dem Mix huet sech den Tom Gatti vun Unison Studio beschäftegt, wärend de Gert Van Hoof (Cochlea Mastering) de Mastering iwwerholl huet. Net vergiesse sollt een Sacem Luxemburg, déi frëndlech Ënnerstëtzung gebueden hunn.

Keng Musek ouni passende Video

Trotz Pandemie wollten d’Lëtzebuerger Museker „How To Sing To A Man“ mat engem dozou gehéierege Videoclip ofrënnen. Ma, de Jil Zago hat d’Iddi, mat verschiddenste Live-Opname d’Geschicht vum Lidd – der komplexer Sich vun enger Fra no der grousser Léift – ervirzebréngen a gläichzäiteg e kreatiivt Wiesselspill ze kreéieren.

Et sollt awer alles anescht kommen. Kuerz virum Dréistart goufen d’Haaptacteuren an de Soundtechniker a Quarantaine gesat. D’Gesondheet goung natierlech vir an esou huet een d’Hannergrondhandlung einfach ewech gelooss. Am eidele Sall weisen eis Lëtzebuerger, wat se kënnen. An iergendwéi passt et zur Uspillung, datt ee sech an enger schwiereger Zäit befënnt.

Opmaacherbild © Jil Zago

Related topics Gesondheet, Go By Brooks, How To Sing To A Man, Jil Zago, Léift, Lidd, Musék, Pandemie, Quarantaine, Single, Videoclip
Next post Previous post