Grondsätz fir eng optimal Liewensqualitéit am Alter

Ulässlech zum Internationalen Dag vun den eelere Leit um 1. Oktober 2019 huet sech den Zentralvirstand vun der OGBL-Pensiounssectioun mat der aktueller politescher a sozialer Lag zu Lëtzebuerg befaasst. D’OGBL-Pensiounssectioun riicht hire Schwéierpunkt besonnesch op déi uviséiert Politik vun der Regierung am Beräich vum 3. a 4. Alter.

Dës Ëfteren huet d’OGBL-Pensiounssectioun op d’Problematik vun der Isolatioun am 3. a 4. Alter verwisen. Wa Mënschen a Pensioun ginn, verännert sech hiert Liewe vun engem Dag zum anere grondleeënd, wat zu psychosoziale Problemer féiere kann. Gefiller vun „net méi gebraucht ze ginn“, feelender Wäertschätzung, Langweil, Einsamkeet, kënnen een negativen Afloss op déi kierperlech a geeschteg Gesondheet hunn.

Dës Weidere kënnen och Altersaarmut, gesondheetlech Problemer, sou wéi Mobilitéitsaschränkungen zur Isolatioun vun eelere Mënsche bäidroen. Och a modernen Alters- a Fleegeheemer kënnen eeler Mënschen an d’Isolatioun falen. D’OGBL-Pensiounssectioun begréisst de politesche Wëlle fir dësem Phenome proaktiv entgéint ze wierken.

D’OGBL-Pensiounssectioun setzt sech fir d’Verbesserung vun der Liewensqualitéit am Alter an

Dofir verdeedegt d’OGBL-Pensiounssectioun mat aller Kraaft déi laangfristeg Sécherung an Erhalung vun der ëffentlecher Pensiounsversécherung zu Lëtzebuerg, déi op der Opdeelungsmethod (Umlageverfahren) baséiert a solidaresch finanzéiert gëtt. Gutt Pensioune sinn ee wierksamt Mëttel zur Bekämpfung vun Altersaarmut, Isolatioun am Alter an dréit zur Verbesserung vun der Liewensqualitéit am 3. a 4. Alter bäi.

Am Hibléck op déi super Finanzlag (19 Milliarden Euro) fuerdert d’OGBL-Pensiounssectioun, datt déi nach ausstoend Upassung vun der Pensioun vun 1,7% (1. Januar 2013) un d’Lounentwécklung réckwierkend erfollegt, sou wéi d’Zeréckhuele vun der mat der Reform 2013 agefouerte Verschlechterungen.

D’OGBL-Pensiounssectioun verdeedegt folgend Grondsätz fir eng optimal Liewensqualitéit am Alter:

• Erhalt vun héichwäertegen, biergernoen, liicht zougänglechen ëffentlechen a privaten Déngschtleechtungen. Déi steeteg steigend Präisser fir Bankgeschäfter sinn inakzeptabel. Um Wee vun der fortschreidender Digitaliséierung mussen d’Bedierfnisser vun eelere Mënsche mat berécksiichtegt ginn;
• Aféierung vum sougenannten „Tiers payant généralisé“ fir all gemachen Akter am Gesondheetssecteur. Dëst bedeit, datt all medezinesch Leeschtungen direkt mat der CNS verrechent ginn an de Patient net méi virausbezuele muss fir déi ganz Zomm;
• Ë.a. Neiverhandlunge vun der Nomenclature vun der Zännversuergung a Verbesserung vun dëse Leeschtungen am Interessi vun de Versécherten;
• Besser Upassunge vum ëffentlechen Transportwiesen un d’Bedierfnisser vu Senioren an eelere Mënschen. An dësem Zesummenhang begréisst d’OGBL-Pensiounssectioun, datt d’Regierung vir huet, och fir Mënsche mat reduzéierter Mobilitéit de gratis ëffentlechen Transport anzeféieren;
• Fërderung vun der Upassung vum Wunnraum un déi spezifesch Bedierfnisser vu Senioren an insgesamt eelere Mënschen;
• Ënnerstëtzung vum Zougang vu Senioren zu Formatiounsofferen vu Vereenegunge fir eeler Mënschen.
• D’OGBL-Pensiounssectioun setzt sech am, Besonnesche fir eng Politik zugonschte vun eelere Persounen, sou wéi am Allgemenge fir ee solidareschen a gerechte Gesellschaftsmodell an!

Matgedeelt vum OGBL-Pensiounssectioun – Iwwersat vum Shari Pleimelding/moien.lu