Search

You may also like

Microsoft fir eng Reglementéierung vun der Gesiichtserkennung
Neiegkeeten

Microsoft fir eng Reglementéierung vun der Gesiichtserkennung

E Freideg huet de juristeschen Direkter vu Microsoft sech fir

E Regisseur, en Acteur, e Film: GIRL
Neiegkeeten

E Regisseur, en Acteur, e Film: GIRL

E pakende Film iwwert dat wat an engem virgeet, a

D‘Wäilies 2020 ass ugelaf
Neiegkeeten

D‘Wäilies 2020 ass ugelaf

En Dënschdeg waren de Premierminister Xavier Bettel an de Landwirtschaftsminister

Grousse Bëschbrand um Stauséi – 150 Pompjeeën am Asaz

Am spéiden Nomëtteg gounge beim 112 direkt e puer Appeller eran, datt et zu Béiwen um Stauséi brenne géif. Duerch déi summerlech Temperaturen vun de leschten Deeg an déi domat verbonnen Dréchent hunn d’Pompjeeën schnell missen handelen, fir datt sech d’Feier net rasant ausbreede soll.

De Groupe de Sauvetage Aquatiquie vum CGDIS huet déi 10 Persounen, déi sech nach um Strand opgehalen hunn, mat engem Boot a Sécherheet bruecht. Wärenddeem gouf de Cetre de Gestion des Opérations aktivéiert a Verstäerkung ugefrot.

Vun dräi Fronten huet een d’Flame bekämpft. Géint der Owend sinn schliisslech déi éischt Reendrëpse vum Himmel gefall, wat den Asazkräft gehollef huet d’Ausbreedung vum Brand ze verhënneren. D’Flamen haten zu deem Zäitpunkt nämlech schonn eng Fläch vun ëm 2 Hektar Land a Bësch ageholl.

Géint 20:00 Auer huet den COS d’Feier ënnert Kontroll kritt. D’Läschaarbechten an d’Kontroll vum Terrain huet awer weider Stonne gedauert. Esou sollt evitéiert ginn, datt nach emol Feier ausbrécht.

Ëm 150 Pompjeeën vum CGDIS waren am Asaz, sou wéi och d’Dron a Läschgefierer mat grousse Kapassitéiten. De Soutien Sanitaire en Intervention huet iwwerdeem fir d’Verfleegung an d’Sécherheet vun allen engagéierte Persounen gesuergt. Privatentreprisen a lokal Baueren stoungen de Pompjeeën zur Säit an hu Waassertanken zur Verfügung gestallt.

Beim Groussbrand gouf kee blesséiert. Am Asaz waren ënnert anerem de CIS Alebësch, de CIS Bauschelt, de CIS Kolmer, de CIS Stauséi, de CIS Wolz an d’Police.

Billergalerie © CGDIS

Related topics Béiwen, Bësch, CGDIS, Dréchent, Feier, Flamen, Groussbrand, Pompjeeën, Reen, Sécherheet, Stauséi, Vegetatiounsbrand
Next post Previous post