Search

You may also like

Wa Klimaanlagen de Klimawandel virundreiwen
Neiegkeeten

Wa Klimaanlagen de Klimawandel virundreiwen

Bei grousser Hëtzt huet zimlech all Mënsch de Besoin sech

Breaking News – Bëschbrand um Schumannseck
Neiegkeeten

Breaking News – Bëschbrand um Schumannseck

Wéi de CGDIS matdeelt ass haut um 12:30 Auer gemellt

Lëtzebuerger Tattoo- a Piercingstudioen: Alles konform?
Neiegkeeten

Lëtzebuerger Tattoo- a Piercingstudioen: Alles konform?

Am Kader vun de sektoriellen Enquêten huet de Ministère vum

Groussbrand zu Rëmeleng – Bal 100 Pompjeeën waren op der Plaz

Groussbrand zu Rëmeleng – Bal 100 Pompjeeën waren op der Plaz

Gëschter kuerz virun 18:00 Auer krut den 112 direkt e puer mol ugeruff, wëll ee Wunngebai an der Rue Jean-Pierre Bausch zu Rëmeleng a Flame stoung. Déi éischt Unitéiten vum CGDIS op der Plaz hunn misse feststellen, datt d’Feier op der 6. a leschter Etage vun der Residence war, a sech schonn op den Daach ausgebreet huet. De Risiko bestoung, datt sech d’Flamen horizontal iwwert d’Nopeschgebaier ausbreeden.

Vu verschiddene Fronten huet ee Grupp probéiert d’Ausbreedung vum Feier anzedämmen, wärend en anere Grupp Pompjeeën, equipéiert mat Otemmask, an d’Gebai gaange sinn. Mat Hëllef vun der Dréilieder konnt een schliisslech och den Daach an Ugrëff huelen.

Bal 100 Pompjeeën ware fir dësen Asaz op der Plaz. Mat Erfolleg hu si an e puer Stonnen an ënnert schwierege Konditiounen d’Feier um 00:30 Auer ënner Kontroll kritt. D’Läschaarbechten hunn déi ganz Nuecht duerch gedauert.

Dobäi war ee Gesondheetsoffizéier vum CDGIS zur Säit gezu ginn, fir sech ëm d’Wuelergoen an de gesondheetlechen Zoustand vun den engagéierte Pompjeeën ze këmmeren. Fir d’Verfleegung an d’Relève vun den Equippen huet de Centre de Gestion des Opérations (CGO) gesuergt.

An dësem Kader wëll de CGDIS besonnesch ervirhiewen, datt d’Opname vun hirer Dron et méiglech gemaach hunn a Realzäit ee globalen Iwwerbléck iwwert de Virfall ze kréien an deementspriechend schnell ze handelen.

Ee Pompjee gouf beim Asaz liicht blesséiert. E puer Appartementer kënnen duerch de Schued net méi bewunnt ginn.

Opmaacherbild: © CGDIS

Related topics Asaz, CGDIS, Dron, Feier, Flamen, Groussbrand, Läschaarbechten, Pompjeeën, Rëmeleng
Next post Previous post