Search

You may also like

money
Op Schinnen an d‘Zukunft… mat der Eisebunn
Neiegkeeten

Op Schinnen an d‘Zukunft… mat der Eisebunn

D‘Zäite vun der getrennter Virstellung, vum operativen Exercice an de

Muer an enger Woch ginn d‘Butzen nees an d‘Schoul
Neiegkeeten

Muer an enger Woch ginn d‘Butzen nees an d‘Schoul

Et ass gewosst, datt den Educatiounsminister Claude Meisch den Ament

The Punisher mécht et engem net liicht, mee ass awer eng eescht an déif Serie, déi et der Wäert ass
Neiegkeeten

The Punisher mécht et engem net liicht, mee ass awer eng eescht an déif Serie, déi et der Wäert ass

Et ass net déi éischte Kéier, datt een sech um

Haut huet de Groussherzog Jean Gebuertsdag

Haut huet de Groussherzog Jean Gebuertsdag

Um haidege Samschdeg feiert de Groussherzog Jean säin 98. Gebuertsdag. Hien huet de 5. Januar 1921 um Schlass zu Kolmer-Bierg, als „Jean Benoît Guillaume Robert Antoine Louis Marie Adolphe Marc d‘Aviano vu Lëtzebuerg“ d‘Liicht vun der Welt erbléckt.

Seng Eltere waren d‘Groussherzogin Charlotte an de Felix vu Bourbon-Parma. De Groussherzog Jean huet de Lycée zu Lëtzebuerg an zu Ampleforth besicht a war de 5. Februar 1939 zum Ierfgroussherzog ernannt ginn. Wéi Nazi-Däitschland eist Land den 10 Mee 1940 iwwerfall huet, ass hie mat senger Famill geflücht.

Bis 1942 hu si a Kanada gelieft, wou de Jean op d‘Universitéit vu Laval gaangen ass. Enn 1942, huet sech de spéidere Groussherzog vu Lëtzebuerg bei den Irish Guards engagéiert. Den 11. Juni 1944 ass den „John of Luxembourg“ an der Normandie genannt ginn a war bei Kampf ëm Caen, sou wéi bei der Befreiung vu Bréissel derbäi.

Am September 1944 war de Jean mat sengem Papp zesumme bei den alliéierten Truppen, wéi déi d‘Land befreit hunn. Do hätt fir hien eigentlech de Krich kënnen eriwwer sinn, mee den Ierfgroussherzog ass bei senger Eenheet bliwwen. Hien huet d‘Irish Guards 1947 mam Rang vum Kapitän verlooss, ass hinnen awer trei bliwwen.

1951 gëtt den Ierfgroussherzog Member vum Staatsrot (bis 1961) an 1953 huet de Prënz Jean déi belsch Prinzessin, Joséphine-Charlotte bestuet. Am Abrëll 1961 huet d‘Groussherzogin Charlotte de „Wiessel“ virbereet, an de Jean zum „Lieutenant-Representant“ ernannt, iert hien den 12. November 1964 op den Troun komm, a Generol vun der Lëtzebuerger Arméi ginn ass.

Jean

Den 12. November 1964 huet den Ierfgroussherzog Jean den Troun vu senger Mamm, der Groussherzogin Charlotte iwwerholl. (Quell: Nationalarchiv)

1984 gouf de Groussherzog vun der englescher Queen zum Colonel ernannt, firwat hie bei der traditioneller Truppeparad (Trooping the Colour) nieft der Kinnigin huet dierfe reiden. Seng Amtszäit als Groussherzog ass de 7. Oktober 2000 op en Enn gaangen. Hie huet zugonschte vum Henri, sengem eelste Fils, op den Troun verzicht.

Foto: Haut feiert de Groussherzog Jean Gebuertsdag. Eng Feier am klenge Krees. D‘moien.lu-Redaktioun wënscht zum 98. eng gutt Gesondheet an e laangt Liewen. (Quell: Nationalarchiv)

Related topics Gebuertsdag, Groussherzog, Groussherzog Jean, Jean
Next post Previous post