Search

You may also like

Den nächsten Troublemaker ass vun eis gaangen – Maach et gutt Ender Frings!
Neiegkeeten

Den nächsten Troublemaker ass vun eis gaangen – Maach et gutt Ender Frings!

Déi meescht vun eis kennen dem Andy Bausch seng Kultfilmer

D‘Gläichstellung brauch et och am Aarbechtsrecht
Neiegkeeten

D‘Gläichstellung brauch et och am Aarbechtsrecht

D‘Vertriederinne vun der Plattform „JIF“ (Journée Internationale de la Femme)

Chamberwahlen 2018: den Drénglechkeetsprogramm vun der KPL
Neiegkeeten

Chamberwahlen 2018: den Drénglechkeetsprogramm vun der KPL

Et ass eng vun den eelste Parteien zu Lëtzebuerg, oft

Taina Bofferding: „Zesumme si mir méi staark wéi d’Gewalt“

Taina Bofferding: „Zesumme si mir méi staark wéi d’Gewalt“

Am Kader vun der sougenannter Orange Week an dem haitegen internationalen Dag géint Gewalt u Fraen huet d’Taina Bofferding, Minister fir Gläichheet tëscht Fraen a Männer, d’Solidaritéit ervirgehuewen, déi eng Gesellschaft braucht, fir géint de Problem vun der haislecher Gewalt virzegoen. Dës Weideren huet si nach emol op déi verschidde Moossnamen opmierksam gemaach, déi de Betraffenen zu Lëtzebuerg ugebuede ginn.

Grad elo wou déi sozial Kontakter nees méi limitéiert musse ginn, kënnt et méi heefeg zu haislecher Gewalt. D’Affer hunn Angscht sech ze wieren, an esou bleift d’Peng hannert de véier Wänn verstoppt. En Auswee gëtt et ëmmer, och wann et als concernéiert Fra schwéier schéngt.

„Haislech Gewalt ass keng privat Affär: De Kampf géint haislech Gewalt geet eis all un“, sou d’Ministesch. De Problem muss gemeinsam bekämpft ginn, an esou weist si sech houfreg iwwert d’Ënnerstëtzung vun der Zivilgesellschaft, den Organisatiounen an de Gemengen bei der Initiative vun der Orange Week. Méiglech mécht d’Aktiounswoch den nationale Rot vun de Lëtzebuerger Fraen an Zonta International, mat finanzieller Ënnerstëtzung vum Ministère fir Gläichheet tëscht Fraen a Männer (MEGA).

An dësem Kader huet d’Taina Bofferding nach erneit op d’Zesummenaarbecht mat der Police erënnert, fir de Betraffenen déi néideg Hëllef ze bidden. Zousätzlech ginn folgend Moossnamen ugebueden:

  • Wëchentleche Monitoring zur Entwécklung am Beräich vun der haislecher Gewalt;
  • Anhale vu legalen a reglementaresche Prozesser;
  • D’Offer vun Alternative beim Logement, wann eng Hëllefsstruktur iwwerlaf ass;
  • Entwécklung vun der Informatiounssäit violence.lu;
  • D’Ariichte vun enger Helpline fir d’Affer vun haislecher Gewalt (Tel.: 2060 1060);
  • Finanziell Ënnerstëtzung vum Staat.

Denkt drun: Dir sidd net eleng a kritt Hëllef, wann Dir der braucht!

Opmaacherbild: © Claudia Soraya

Related topics Affer, haislech Gewalt, Hëllef, Helpline, Internationalen Dag géint Gewalt u Fraen, Orange Week, Police, Taina Bofferding, violence.lu
Next post Previous post