Search

You may also like

Policegewerkschaft a Minister fannen en Accord
Kultur Neiegkeeten

Policegewerkschaft a Minister fannen en Accord

Mir hate viru gutt enger Woch nach missen drop hiweisen,

De brasilianesche President huet eng liicht Gripp
Kultur Neiegkeeten

De brasilianesche President huet eng liicht Gripp

No engem Test am Militärspidol zu Brasilia, huet de faschistesche

SREL: Um Geriicht ass d‘Geheimdéngschtaffär nees d‘Aktualitéit
Kultur Neiegkeeten

SREL: Um Geriicht ass d‘Geheimdéngschtaffär nees d‘Aktualitéit

Nodeems den deemolege Premierminister Jean-Claude 2013 wéinst Ongereimtheete beim SREL

Heavy Petrol Unplugged: Akustesch Kläng zu Déifferdeng!

Heavy Petrol Unplugged: Akustesch Kläng zu Déifferdeng!

Fir eng éischte Kéier wäert d’Lëtzebuerger Bluesgrupp Heavy Petrol um 4. Oktober 2019 op der Bühn vum “Aalt Stadhaus” zu Déifferdeng een Akustik-Concert spillen. Dëse besonnesche Concert ass verbonne mam Retour vum Batteur a Grënnungsmember Konni Troost, sou wéi der Hëllef vun diversen Iwwerraschungsgäscht!

Am Joer 2011 hu fënnef musikalesch Kollegen sech zesumme gesat an de Blues zu neiem Liewen erwächt. Schnell hu si ugefaangen eege Stécker ze komponéieren an dës op zuelräiche Concerten ze presentéieren. Heavy Petrol war gebuer.

Viru knapp zwee Joer huet de Grupp, deen aus dem Woody Lunari (Gesang an Harmonika), dem Gigi Felten a Steve Richter (Gittar), dem Dan Kries (Bass), Konni Troost (Batterie) an Elise Nunes (Gesang) besteet, hiren Album mam Numm Petrol Train erausbruecht. Zesumme mat renomméierten Artisten, wéi Brother Dege & the Brotherhood of Blues, oder och op nationale Blues-Festivaller hutt Dir dës legendär Lëtzebuerger Band bestëmmt schonn emol live gesinn. Am Abrëll duerften d’Museker souguer eist Land an der Finall vum European Blues Challenge vertrieden.

De Klang vun Heavy Petrol gëtt vill vun Artiste wéi dem Jimi Hendrix, Johnny Winter a Joe Bonamassa beaflosst. Wéi kéint een do widderstoen? Markéiert Iech also dësen exzeptionelle Concert an Ärem Agenda!

Zesumme mat der Lëtzebuerger Grupp Eyes of the Shadow wäert Iech ee musikaleschen Owend am Minett gebuede ginn. Méi dozou ënnert stadhaus.lu.

Related topics Akustik-Concert, Alt Stadhaus, Heavy Petrol, Musék, Unplugged
Next post Previous post