Search

You may also like

D‘CSV setzt sech weiderhi fir eng Tracing-App an
Neiegkeeten

D‘CSV setzt sech weiderhi fir eng Tracing-App an

Nodeems um Mëttwoch de Premierminister an d‘Gesondheetsministesch hir „Deklaratioun zur

G20 Sommet: Wéineg Erfreeleches
Neiegkeeten

G20 Sommet: Wéineg Erfreeleches

Dat hat sech Däitschland anescht virgestallt. Amplaz vu schéine Biller,

money
ULC… de Fiels an der Brandung
Neiegkeeten

ULC… de Fiels an der Brandung

E Freideg huet de Konsumenteschutz ULC säi „Bilan“ presentéiert. Wann

Et huet een aus den Iwwerschwemmunge vu virun zwee Joer geléiert a vill investéiert

Et bleiwen awer weider vill onberechenbar Faktoren

Et huet een aus den Iwwerschwemmunge vu virun zwee Joer geléiert a vill investéiert

Et ass elo bal zwee Joer hir, datt et zu Lëtzebuerg zu staarken Iwwerschwemmunge komm war. Véier Gemengen aus der Géigend vum Ärenzdall ware wéinst Onwiederen Affer vun Iwwerschwemmunge ginn. D’Regierung hat deemools schnell reagéiert an 30 Milliounen Euro bereet gemaach, fir de Schied entgéint ze wierken. Den adr-Deputéierten Fernand Kartheiser freet elo no, wat mat dem Geld alles geschitt ass, a wéi een an Zukunft esou Katastrophe verhënnere kéint.

Dobäi ass offensichtlech, datt de finanzielle Spillraum bei wäitem net ausgereizt ginn ass. “Déi finanziell Hëllef fir D’Mossnahmen […] beleeft sech op ronn 11,5 Milliounen Euro”, ass an der Äntwert ze liesen. Woufir gouf dat Geld benotzt? Ënnert anerem fir direkt finanziell Hëllefen, déi vum Familljeministère un déi betraffe Leit ausbezuelt gi sinn. Mee och Entschiedegunge fir Schied u kommunale Gebaier, (Landwirtschafts-)Betriber an divers Reparaturaarbechten u Bësch- a Feldweeër, wéi och Botzaarbechten an aner Reparaturen, sinn hei ënnerholl ginn.

Et gëtt sech besser op Katastrophe wéi dës virbereet

Wat Schutzmoossnamen ugeet, ass kloer, datt esou Phänomener net virausgesi kënne ginn an deels mat enger massiver Intensitéit kënnen optrieden. Dat läit och un deene ville verschiddene, gréisstendeels geographesche Faktoren, déi hei eng Roll kënne spillen. Et goufen awer Moossname geholl, fir Infrastrukturen, déi géint esou Onwiederen hëllefen, auszebauen oder ze verstäerken. D’Waasserwirtschaftsamt géing ausserdeem un enger Staarkreenkaart schaffen, fir d’Géigenden ze identifizéieren, déi e Risiko lafen, affer vun esou engem Phenomen ze ginn. An deem Fall géing d’Waasserwirtschaftsamt mat de Gemengen zesumme schaffe, fir Géigemoossnamen ze ergräifen.

Souwuel de Premierminister Xavier Bettel (DP), wéi och den Inneminister Dan Kersch (LSAP), d’Ministerin fir Famill, Integratioun an d’Groussregioun, Corinne Cahen (DP), den Infrastrukturminister François Bausch (déi gréng) wéi och d’Ëmweltministesch Carole Dieschbourg (déi gréng) hunn op dës Froe geäntwert.

Foto: Vum Johnny Chicago at lb.wikipedia, CC BY-SA 3.0.

Related topics Äernzdall, Carole Dieschbourg, Corinne Cahen, Dan Kersch, Fernand Kartheiser, François Bausch, Iwwerschwemmung, Katastrophen, Lëtzebuerg, Xavier Bettel
Next post Previous post