„Klengen Offall – Grouss Verschmotzung“

Dëse Summer huet den Nohaltegkeetsministère erëm seng multimedial Campagne fir d’Sensibiliséierung géint wëllt Ewechwerfe vun Offall (Littering) zu Lëtzebuerg gestart. Grouss Plakater laanscht d’Strooss hunn dobäi de Bléck op sech gezunn.

Säit Mëtt September gëtt et dann ee weideren Design, déi zemools an de Bus- an Zuchgaren ze fanne sinn. Ee grousse Problem nervt den Zigarettestëmp um Buedem ass nämlech och de Knätsch op de Biedem. Et dauert puer Joer bis ee Knätsch zersat ass, Réckstänn bléiwen awer ëmmer

Bis op e puer wéineg Ausnamen ass Knätsch net biologesch ofbaubar, well en zum Groussdeel aus Plastik besteet. „D’Basis vum Knätsch ass eng onléislech Mass ouni Nierstoffer. Déi Mass mëscht d’Séissegkeet eréischt knätscheg an gëtt lues a lues de Goût, d’Séissungsmëttel a funktionell Bestanddeeler of. De Mastique kann natierlech oder kënschtlech hiergestallt ginn. Duerno gëtt Weichmacher an aner Bestanddeeler derbäi gemëscht.“

Littering – een illegalen Akt den d’Gesellschaft kascht

D’Wëllt Ewechwerfe vun Offall ass illegal a ka mat 49 € bis 250 € bestrooft ginn. Wien säi Knätsch op de Buedem geheit riskéiert eng Strof vun 49 €, Verschmotzung vu Waasser ka bis zu 250 € kaschten.

De Knätsch um Buedem kascht eist Land all Joer 30.000 bis 40.000 €. E pecht, dréchent a bléift fest um Buedem, ausser mir hunn en ënnert de Schong hänken. Et ass wichteg de Mastique ewech ze maachen. Dëst ass, aus Temperaturgrënn, just zu verschiddenen Zäiten am Joer méiglech.

Allgemenges zum Littering

Zum wëllen Ewechwerfe vun Offall gehéiert klengen Dreck, den an d’Natur gehäit gëtt. Zemools laanscht d’Stroossen oder Trëppelweeër, d’Sportsterrainen oder Parken ass den Dreck ee grousse Problem. Och bei Fester, Festivallen a Concerte lant vill Offall um Buedem.

Dat schlëmmst un der Saach ass, datt d’Halschent vum Dreck e puer Meter ewech vun enger Poubelle läit. Zigarettestëmp, Knätsch an Verpackungen (zum Beispill Béchsen) ginn am meeschten an d’Natur gehäit. Anescht wéi geduecht betrëfft de Phenomen vum Littering eis ganz Gesellschaft, onofhängeg vum Alter, Geschlecht a Stand vun der Persoun.

Et huet Afloss op Villes

De Littering ass net nëmmen ellen an de Stied oder an der Natur, mee dréit och weider Problemer mat sech:

• Verschidden Offäll, sou wéi Glasschierbelen, sinn eng Gefor fir Infektiounen oder Blessuren, zemools fir Kanner an Déieren.
• Schierbele kënnen ofgeschléckt ginn an sou zum Erstécke féieren.
• Plastik zersetzt sech zu Mikro-Plastik (< 5 mm), den sech am Kierper festsetze kann an der Gesondheet schued. Duerch d’Flëss gëtt dëse Mikro-Plastik bis an d’Mier geleet, wouduerch d’Déieren am Ozean de Plastik iessen.
• Glasschierbelen an net ganz ausgedréckten Zigarette kënnen ee Feier verursaachen.
• De Littering kascht eist Land vill Suen. Ronn 2,4 Milliounen Euro pro Joer, déi mir Bierger duerch Steiere bezuelen, gi gebraucht fir alles propper ze maachen.

Wat ka jiddweree vun eis ënnerhuelen?

• Besäitegt ären Dreck op déi virgesinn Aart a Weis: Zigarettestëmp am Äschebecher, Béchsen a Pabeier an de Recycling an de Knätsch an d’Dreckskëscht.
• Vermeit de Kaf vun onnéidege Verpackungen.
• Macht Leit, déi hiren Dreck einfach an d’Natur geheien, frëndlech drop opmierksam den Offall an Poubelle ze geheien.
• Gidd är Iddien zur Verbesserung un d’Gemeng weider

Bei weidere Froe kënnt Dir Iech un folgend Adress wennen:

Emweltdepartement
Olaf MUNICHSDORFER
olaf.munichsdorfer@aev.etat.lu