Search

You may also like

Vum Zelt an de Schapp: Zirkus zu Lëtzebuerg
Neiegkeeten

Vum Zelt an de Schapp: Zirkus zu Lëtzebuerg

Um vergaangene Weekend hat Zaltimbanq Zirkus asbl seng Schüler, deenen

ons stad N°118 – Lëtzebuerg am Éischte Weltkrich
Neiegkeeten

ons stad N°118 – Lëtzebuerg am Éischte Weltkrich

Et ass de Kulturmagazinn mat historeschen a kulturelle Beiträg zur

D’Universitéit gesäit d’Beméiunge vun der Regierung, d’Lëtzebuerger Sprooch ze stäerken, positiv
Neiegkeeten

D’Universitéit gesäit d’Beméiunge vun der Regierung, d’Lëtzebuerger Sprooch ze stäerken, positiv

D’Universitéit Lëtzebuerg hëlt sech scho länger dem Thema vun der

Kollektivvertrag am Bankesecteur: kee Fortschrëtt a Siicht

Kollektivvertrag am Bankesecteur: kee Fortschrëtt a Siicht

An engem gemeinsame Communiqué hunn d‘Gewerkschaften OGBL a LCGB vun enger beweegter Reunioun leschten Donneschdeg bericht. Op der Dagesuerdnung stoung d‘Verhandlung ëm d‘Paien am Secteur.

Béid Gewerkschaften hunn an dësem Kontext hir zwou Revendicatioune virgeluecht: Evolutioun vun de Paien am Barème an eng linear Erhéijung fir all déi Beschäftegt. Hei koum da séier zur Diskussioun ëm déi sougenannt „falsch Kaderposten“. Och dat géifen OGBL a LCGB gäre regulariséiert gesinn.

D‘Fro vun den falsche Kaderposte steet am direkten Zesummenhang mam Barème. Kader awer ginn ausserhalb dem Barème bezuelt. Schonn de Fakt datt et falsch Kaderposte gëtt, bréngt béid Gewerkschaften a Rage. Et géif beweisen, datt hir Revendicatiounen, déi bestoend Barèmen ze revaloriséiere berechtegt ass.

Si sinn zudeem net veriergert, datt sech de Brancheverband ABBL weider a Katastrophestëmmung üübt an all Erhéijung a Verbesserung bei de Salaire refuséiert. D‘ABBL soll gedreet hunn, sollt sech keen Accord bei de Paie fannen, si gewëllt wieren den 13. Mount – dee jo fräiwëlleg bezuelt gëtt – einfach ze sträichen.

Esou Ugrëff sinn se beim OGBL an dem LCGB gewinnt. Si hunn duerchblécke gelooss, datt esou eng hannerlëschteg Aktioun net géif toleréiert ginn. Si weigeren sech doriwwer eraus zouzeloossen, datt d‘Covid19-Pandemie als Virwand genotzt gëtt, fir de Salariéen dräi Joer laang keng finanziell Verbesserungen zouzegstoen.

Illustratioun: © Jason Dent / unsplash

Related topics ABBL, ALEBA, Bankesecteur, Kollektivverträg, LCGB, OGBL
Next post Previous post