Search

You may also like

Drive to survive: wat eis an der drëtter Staffel erwaart
Neiegkeeten

Drive to survive: wat eis an der drëtter Staffel erwaart

D’Netflix Serie, déi der Formel 1 gewidmet ass, kënnt fir

Dem Enseignement ginn d‘Proffen aus
Neiegkeeten

Dem Enseignement ginn d‘Proffen aus

Hien hat nach eigentlech ni wierklech liicht, den Educatiounsminister Claude

Editorial: Vun houerem Miel a houerem Paangech
Neiegkeeten

Editorial: Vun houerem Miel a houerem Paangech

Op de Virstand vun de Robert Schuman-Spideeler, ee fréieren DP-Minister

Kollektivvertrag fir Spidäler ënnerschriwwen

Kollektivvertrag fir Spidäler ënnerschriwwen

No laangen, zum Deel heftegen Diskussiounen an divers Manifestatioune, ass dëse Mëttwoch endlech dee neie Kollektivvertrag fir de Spidolssecteur ënnerschriwwe ginn.

Eng Nouvelle déi net zu gudder Läscht den OGB-L erfreet, wëll seng Sektioun „Santé, Services sociaux et éducatifs“ sech massiv hei abruecht huet. A sengem Communiqué weist den OGB-L och drop hinn, datt „Dank dem groussen a couragéierten Engagement vun de Salariéen aus dem Spidolssecteur, déi och bereet waren ze streiken (…) konnt zu gudder läscht mam Patronatsverband en Accord iwwert d‘Erneierung vum Kollektivvertrag fonnt ginn.“

Déi wichtegst Punkte vum neie Kollektivvertrag:

  • Erhéijung vum Index ëm 2,2% op den 1. Januar 2017;
  • Ausbezuele vun enger eemoleger Prime am November, déi sech zesummestellt aus 0,9% vum Joresgehalt vun 2014, enger Prime vun 1% op de Joresgehalt vun 2016 an enger Prime vun 2,2% op de Joresgehalt fir den Zäitraum vum 1. Januar 2015 op den 31. Dezember 2016;
  • Keng Verschlechterung vun der Organisatioun vun der Aarbechtszäit;
  • Transpositioun vun de Rechter vum Comité Mixte an de Personaldelegatioune;
  • Revalorisatioun vun der Carrièren an enger neier Gehältertabell déi ab dem 1. Oktober a Kraaft trëtt.

Et huet vill Jore gebraucht, e sëllech Diskussiounen an deels och richtege Sträit, fir an dësem däregen Dossier virun ze kommen. Schlussendlech ass d‘läscht Joer, mat enger grousser Manifestatioun, déi iwwer 9.000 Salariéeën an d‘Stroossen vun der Haaptstad gedriwwen huet, de Bic gefall.

Lëtzebuerg stoung zu deem Zäitpunkt kuerz virun engem generaliséierte Streik am Gesondheetswiesen. D‘Konsequenze wieren och fir d‘Regierung vu gréisserem Ausmooss gewiescht an jidderee ka sech glécklech schätzen, datt hei eng fir all Parteien zefriddestellend Léisung fonnt ginn ass. Beim OGB-L liest sech dat esou: „Den OGB-L ass glécklech annoncéieren ze kënnen, datt all seng Revendicatioune, betreffend d‘Revalorisatioun vun de Carrièren, konkretiséiert gi sinn.“

Foto: Iwwer 9.000 Salariéeën aus dem Gesondheetswiese waren 2016 op d‘Strooss gaange fir hire Fuerderungen dat néidegt Gewiicht ze ginn. Wier dëse Message net ukomm, wär gestreikt ginn (© OGB-L)

Related topics Kollektivvertrag, Lëtzebuerg, Spidäler
Next post Previous post