Search

You may also like

Nouvelle Vague um 29. Januar an der Kulturfabrik
International Neiegkeeten

Nouvelle Vague um 29. Januar an der Kulturfabrik

Et war 2004, den Héichpunkt vum French Touch, wou de

Déi spuenesch Konservativ hunn e neie Leader
International Neiegkeeten

Déi spuenesch Konservativ hunn e neie Leader

Nodeems de konservative „Partido Popular“ (PP) sech eng Renommée gemaach

Stater Spideeler: Parallel Garden an der Urgence
International Neiegkeeten

Stater Spideeler: Parallel Garden an der Urgence

Fir d’Waardezäite fir Patienten an der Urgence ze verkierzen hunn

Kommandant vun US-Küstewaach verdeedegt Transgender-Personal

De Widderstand reegt sech am Militär

Kommandant vun US-Küstewaach verdeedegt Transgender-Personal

De Kommandant vun der amerikanescher Küstewaach, Paul Zukunft, huet haut matgedeelt, datt hien sech hannert säin Transgender-Personal stellt. Hie géif „net de Vertrauensvertrag briechen“ deen hie mat senge Leit huet.

Eng kloer Äntwert op dem Donald Trump seng Ukënnegung, datt Transgender Persounen net méi kéinten an der amerikanescher Arméi déngen. De Corps vun der Küstewaach huet mat den 13 als Transgender signaléiert Zaldote Kontakt opgeholl, huet den Admirol Paul Zukunft zu Washington erkläert. „Et sinn der net vill, mee si leeschten eng extraordinär Aarbecht bei der Küstewaach“, ënnersträicht den Admirol.

Hien huet och erkläert, betraff gewiescht ze sinn, vun der Geschicht déi an der Washington Post erzielt ginn ass. Et war déi vun engem jonke Leutnant, deen eng Geschlechtsëmwandlung vollzunn huet an sech elo Suerge mëscht. Besonnesch, wéi eng Konsequenzen déi vum Trump ugekënnegt Mesuren op säi Liewe wäerten hunn.

Am direkte Kontakt

„Ech hu perséinlech den Leutnant Taylor Miller kontaktéiert, déi d’läscht Woch op der Une vun der Washington Post war. Seng eege Famill huet et verstouss an elo ass d’Küstewaach seng Famill. Ech hunn him gesot ‘Ech loossen iech net falen. Mir hunn an iech investéiert an dir hutt an d’Küstewaach investéiert. Ech briechen dëse Vertrauensvertrag net!’ Dat ass d’Engagement dat mir mat eisen Truppen huelen“, erzielt de Paul Zukunft.

Am Wäissen Haus hunn se dann och nach Schwieregkeeten d’Ëmsetzung vum Verbuet fir Transgender an der Arméi ze detailléieren. De Verdeedegungsministère ass wéi et schéngt, net am Virfeld informéiert ginn. Doriwwer eraus ass een esouwuel an der Arméi, wéi och am Lager vun de Republikaner gedeelter Meenung.

De Widderstand organiséiert

De Corps vun der Küstewaach huet no den Tweets vum President eng Equippe vun Affekoten zesummegestallt, preziséiert de Paul Zukunft. „D’Wieder vum President, sinn seng Wieder“, kommentéiert d’Spriecherin vun der US-Küstewaach den Tweet. Si weist esou drop hin, dat esou Deklaratiounen net d’Küstewaach betreffen. Déi nämlech hänkt vun der interner Sécherheet of.

„Onst Zil ass mat alle betraffene Ministèren zesummenzeschaffen, op éischter Plaz dem Verdeedegungsministère, fir déi nei Politik ëmzesetzen, awer am Kader vum Gesetz“ esou d’Spriecherin vum Wäissen Haus, Sarah Sanders. Si huet och erkläert vun d’Aussoe vum Admirol Paul Zukunft net ze kennen.

mat AFP

Foto: Den Admirol Paul Zukunft (hei eng Archiv-Foto vum Oktober 2015) huet net wëlles de President gewäerden ze loossen. (© Chip Somodevilla/Getty Images/AFP)

Related topics Donald Trump, LGBT, Transgender, USA
Next post Previous post