Search

You may also like

What the Fakt – Viru 498 Joer erreecht de Magellan de Pazifik
International Neiegkeeten

What the Fakt – Viru 498 Joer erreecht de Magellan de Pazifik

Um 28. November 1520 kënnt de portugiseschen Entdecker, zesumme mat

Syrien: déi tierkesch Arméi zu Afrine, de Baschar al-Assad an der Ghuta
International Neiegkeeten

Syrien: déi tierkesch Arméi zu Afrine, de Baschar al-Assad an der Ghuta

Déi tierkesch Arméi huet Afrine eruewert an eng Kurdemiliz verdriwwen.

HALESTORM um 18. Juni am Atelier!
International Neiegkeeten

HALESTORM um 18. Juni am Atelier!

A manner wéi engem Mount wäert déi US-amerikanesch Hard-Rockband Halestorm

Déi Demokratesch Republik Kongo huet den EU-Ambassadeur ausgewisen

Bréissel betruecht dëse politesch motivéierten Akt als ongerecht

Déi Demokratesch Republik Kongo huet den EU-Ambassadeur ausgewisen

Déi europäesch Unioun huet um Donneschdeg d‘Entscheedung vun den Autoritéite vun der demokratescher Republik Kongo (DRK), den EU-Ambassadeur auszeweisen, engersäits bedauert, anersäits als vëlleg onberechtegt a kontraproduktiv – dräi Deeg virun de Wahlen – kritiséiert.

E Spriecher vun der EU géintiwwer der AFP: „Haut huet den Ausseminister She Okitundu annoncéiert, datt den EU-Ambassadeur, Bart Ouvry, d‘Land bannent 48 Stonnen ze verloossen huet. D‘EU bedauert dës Entscheedung a betruecht se als vëlleg onberechtegt. (..:) Um Virowend vu schwierege Walen an der RDK, kann esou eng Entscheedung nëmmen als kontraproduktiv bewäert ginn“.

Bei enger Drénglechkeetssëtzung zu Brazzaville e Mëttwoch, hunn d‘Staatscheffe vun der Regioun (SADC/ICGLR) den DRK-Wahlprozess diskutéiert. An dësem Kontext ass d‘Gewalt condamnéiert ginn, an en Opruff gemaach ginn, sech ze besënnen a en uerdentlechen Oflaf vun de Wahlen ze garantéieren. Dës Siicht gëtt vun der EU gedeelt.

Kongo

Och zu Goma, an der Noperschaft vu Majengo, ass et um Donneschdeg nees zu Gewaltausbréch komm. Grond fir den Opstand war dee vun der onofhängeger Wahlkommissioun decidéierte Report vun de Wahlen. Wéinst enger Ebola-Epidemie wier dës Entscheedung noutwenneg a richteg. © Patrick Meinhardt/AFP

Wéi du mir, esou ech dir…

D‘Expulsioun vum EU-Missiounschef, dem Belsch Bart Ouvry „sanktionéiert engersäits dat strofbart Verhale vum Interesséierten, an anersäits, schreift se sech an de Kader vun der Géigesäitegkeet an“, erkläert eis den Ausseminister vun der DRK.

Hei bezitt sech de kongoleseschen Ausseminister op eng Entscheedung vun der EU, déi den 10. Dezember gefall ass, a wou decidéiert gouf, bis zum Dezember 2019 d‘Sanktioune géint 14 Membere vum (Joseph) Kabila-Regimm ze verlängeren. Si gi beschëllegt géint Mënscherechter verstouss ze hunn. Vun de Sanktioune betraff ass och dem Kabila säin „Dauphin“ fir d‘Presidentielle, Emmanuel Ramazani Shadary (PPRD).

Déi kongolesesch Regierung hat gefuerdert, datt déi europäesch Sanktiounen „opgehuewen“ oder zumindest „suspendéiert“ ginn, an dat bis zum ofhale vu generelle Wahlen an der DRK. Dës Wahlen, déi schonn dräimol hu misse verluecht ginn, sollen elo e Sonndeg Stattfannen. Zu Bréissel war een allerdéngs net der Meenung, ugesiichts de Virwërf déi de Sanktionéierte gemaach ginn, der „Demande“ vun der kongolesescher Regierung nozekommen.

mat AFP

Foto: Zu Butembo, an der Regioun Beni (DRK), hunn d‘Leit um Donneschdeg virum Sëtz vun der onofhängeger Wahlkommissioun géint e weider Report vun de Wahle protestéiert. © Alexis Huguet/AFP

Related topics Bart Ouvry, Demokratesch Republik Kongo, EU-Ambassadeur, Joseph Kabila, Wahlen
Next post Previous post