Méi Flexibilitéit. Selwer wiele kënne wéi vill ee kotiséiert, an
Se hu gewielt d‘Männer a Fraen aus de Bierger, an
Haut viru 51 Joer huet d’Medezin een enorme Fortschrëtt gefeiert.
Zu Lëtzebuerg gouf nämlech eng Konventioun ënnerschriwwen, duerch déi sech fir d’Mënscherechter an d’Fräiheete vun handicapéierte Persoune muss engagéiert ginn. Dozou gehéiert och d’Recht op Kultur.
An dësem Kader goufe folgend Projeten ausgeschafft:
D’Kulturministesch Sam Tanson © MCULT
Ganzer 1.121 Schätz sinn iwwert „Lëtzebuerg, al Quartieren an d’Festung“ am Regëster vum Weltkulturierwe vun der UNESCO ageschriwwen. Dobäi bidden déi historesch Sitten eng Panoplie u Visitten, wou elo zwee Audioguiden, sou wéi eng Broschür fir Persoune mat Handicap bäikommen.
Audioguide UNESCO Promenade fir jiddwereen op izi.travel: Dëse Parcours, deen och mam Rollstull kann erlieft ginn, gouf am viraus getest vu Persoune mat spezifesche Besoinen, dem Service fir Integratioun a spezifesch Besoinen vun der Stad Lëtzebuerg, de Responsabele vum CDV, der Hörgeschädigten-Beratung an Infohandicap. D’Offer gëtt op Lëtzebuergesch, Franséisch, Däitsch, Englesch an Hollännesch ugebueden.
Audioguide UNESCO-Tour fir Jiddwereen – Liicht Sprooch: De selwechte Parcours gëtt a vereinfachter Sprooch presentéiert a vu Videosequenzen mat Zeechesprooch begleet. Wëll Däitsch déi eenzeg zu Lëtzebuerg unerkannten Zeechesprooch ass, gëtt et dës Visitt och just op Däitsch. Vum World Heritage Cities Programm vun der UNESCO ass d’Initiative als exemplaresche Projet unerkannt ginn.
Broschür UNESCO-Tour fir Jiddwereen a liichter Sprooch: Op 52 Säiten ginn déi wichtegst Monumenter a Plazen vun der UNESCO-Zon virgestallt. De Parcours huet 1.950 m a verleeft laanscht 19 Attraktiounen. Fanne kann een d’Broschür am Luxembourg City Tourist Office (LCTO) an am UNESCO Visitor Zenter am Lëtzebuerg City Museum. Dir fannt d’Broschür och hei a Form vun engem PDF.
Den Zougang zur Kultur soll souwuel Persoune mat physeschen, wéi och mentale Schwächte garantéiert ginn. Zënter 2020 ginn dofir Formatioune fir professionell kulturell Acteuren ugebueden, déi vu klaro Asbl oder Info Handicap organiséiert a begleet ginn. Virun allem an de Beräicher Accueil a Kommunikatioun ginn déi Professionell aus den Theatere, Muséeën an anere kulturellen Institutiounen virugebild, sou dass si op d’Besoinen an Aschränkungen vum Publikum sensibiliséiert ginn an d’Programmatioun upasse kënnen.
Huet ee bis déi néideg Kenntnisser, muss d’Situatioun vum jeeweilegen Etablissement ugepasst ginn. Fir Projeten, bei deenen d’Programmatioun op e méi diversifizéierte Publikum ausgebreet gëtt, soll et eng finanziell Hëllef an Héicht vu 40.000 € ginn. Esou sollen déi noutwenneg Moyenen zur Verfügung stoen, fir Manifestatiounen, Outilen oder Projeten fir Persoune mat Handicap unzepassen.
Dës Hëllef gëtt a Form vun engem Appell proposéiert, bei deem d’Projeten och obligatoresch mat engem soziale Partner kollaboréiere mussen.