Search

You may also like

D’Squatfabrik feiert säi Comeback!
Kultur Neiegkeeten

D’Squatfabrik feiert säi Comeback!

D’Kënschtler vum Kollektiv cooperationsART sinn zeréck an der Kulturfabrik fir

money
Weltrekord fir Lottogewënner an den USA: 1,5 Milliarden US-Dollar
Kultur Neiegkeeten

Weltrekord fir Lottogewënner an den USA: 1,5 Milliarden US-Dollar

5 / 28 / 62 / 65 / 70 an

Enquête zum Bezéiungsdrama vu Wolz geet op en Enn
Kultur Neiegkeeten

Enquête zum Bezéiungsdrama vu Wolz geet op en Enn

Et war den 2. Januar 15.10 Auer, wéi ee Mann

D’Kultur kann nees e bëssen opootmen

D’Kultur kann nees e bëssen opootmen

Gëtt dat neit Gesetz an der kommender Woch zougelooss, da wäert och de kulturelle Beräich nees vu Lackerunge profitéiere kënnen. Dobäi komme mir generell zu deene Mesuren zeréck, déi wärend dem spéide Summer an Hierscht gülteg waren.

Souwuel am éischten, wéi och am zweete Lockdown huet d’Kultur gefeelt. All klengst Méiglechkeet gouf ergraff, fir Musek, Konscht, Theater an Ähnleches ze erliewen, och wann een dofir oft op den digitale Wee zeréckgräife misst. E physescht Erliefnis kann dat awer op kee Fall ersetzen.

Kultur

Ëmsou méi freedeg huet d’Kulturministesch Sam Tanson bei der Pressekonferenz ugekënnegt, datt folgend Moossnamen geschwënn a Kraaft trieden:

Fir Spektakelen: Dës Evenementer dierfen nees stattfannen mat engem Maximum vun 100 Persounen am Publikum. Si mussen de Mask ubehalen an d’Distanzreegele vun 2 Meter anhalen. D’Restauratioun muss allerdéngs weiderhin zoubleiwen.

Muséeën, Ausstellungen, Kinoen, Archiven, Bibliothéiken an Ähnleches: Och hei ass de Mond-Nues-Schutz obligatoresch. Guidéiert Visitte bis zu 10 Persounen dierfen organiséiert ginn. Sollt den Etablissement e Commerce hunn, zielen déi allgemeng Reegele fir d’Butteker, wärend och hei d’Restauratioun zoubleiwe muss.

Professionell Artisten: Well bei de professionellen eng ganz Produktioun um Spill steet, soubal eng Persoun infizéiert ass, ginn all Acteuren reegelméisseg an oft getest. Hinnen ass et awer erlaabt ouni Mask an Distanz ze prouwen.

Amateuren (z.B. Korallen oder Fanfaren): Bei Prouwen bis zu 4 Persounen muss kee Mask ugedoe ginn. Sinn tëscht 5 an 10 Persoune present, zielt Maskeflicht an d’Anhale vun der Distanz. Sëtzflicht besteet, soubal tëscht 11 an 100 Persounen am Raum sinn.

Nach bis den 28. Februar 2021 kënne Kënschtler finanziell Ënnerstëtzung ufroen. Heibäi verweist d’Kulturministesch nach emol op de Programm Neistart Lëtzebuerg. Hei fannt Dir e Bilan vun der finanzieller Ënnerstëtzung, déi bis ewell schonn verdeelt ginn ass.

Kultur

Generell sollten all Institutiounen an Organisateuren dorun denken, hir Spektakelen un d’Spärstonn unzepassen.

Opmaacherbild: © Martin de Arriba / Unsplash

Related topics Archiven, Covid-19, Kino, Kultur, Lackerungen, Mask, Musée, Sam Tanson, Spektakel, Theater
Next post Previous post