Search

You may also like

Weltraum: Parker-Sond um Wee bei d‘Sonn
Neiegkeeten

Weltraum: Parker-Sond um Wee bei d‘Sonn

E Sonndeg huet d‘NASA a Florida seng Sond „Parker“ erfollegräich

Ab an d’Fräiheet: Wann een Gangster verkleet aus dem Bing flüchte wëll
Neiegkeeten

Ab an d’Fräiheet: Wann een Gangster verkleet aus dem Bing flüchte wëll

Dësem a Brasilien Gefaangene seng Iddi war esou simpel, wéi

Eis Geschäfter, Eis Aarbechtsplazen, Eis Zukunft!
Neiegkeeten

Eis Geschäfter, Eis Aarbechtsplazen, Eis Zukunft!

Mat dësem Motto huet déi gréisste Gewerkschaft am Land, den

Lëtzebuerg rifft d‘Alerte „Canicule“ aus

Den Direkter vun der Santé huet déi héchst Alarmstuf wéinst der Hëtztwell ausgeruff

Lëtzebuerg rifft d‘Alerte „Canicule“ aus

Wéi de Gesondheetsministère um Samschdeg matdeelt, ass et unhand de Previsioune vu MeteoLux noutwenneg, vum Niveau „Orange“ op déi héchsten Alarmstuf „Rout“ iwwerzegoen. An den nächsten Deeg sollen d‘Temperaturen sech iwwer 35°C (am Schied) festsetzen, dat mat enger Moyenne vun iwwer 23°C. Et gëtt also och Nuets keng Entspanung an dat biergt Geforen.

Aus dësem Grond huet den Direkter vun der Santé den Niveau 3 ausgeruff, esou wéi dat jo och am Aktiounsplang 2020, am Fall vun enger Hëtztwell (Plan Canicule) virgesinn ass. Fir d‘Bierger gëtt et dozou ee Flyer (op däitsch – op franséisch) mee et gëtt och un déi Leit geduecht, déi duerch dës onmënschlech Hëtzt kéinte gesondheetlech kréien. Besonnesch eeler Matbierger, Bëbeeën a Leit mat chronesche Krankheete verdroen dës Temperature ganz schlecht.

Santé

De „Plan Canicule“ bitt Mënschen ab 75 Joer, déi eleng wunnen, eng begrenzten Autonomie hunn a keng Hëllef säitens der Assurance-Dependance kréien un, sech op eng Lëscht anzeschreiwen, fir vu Visite profitéieren ze kënnen, an falls noutwenneg ënnerstëtzt ze ginn. D‘Ausléise vun der Alarmstuf Rout implizéiert d‘Akraafttriede vum Besuchsprogramm, entspriechend de virbereete Lëschte vum Roude Kräiz. D‘Visite gi vun der COPAS geréiert.

Related topics Alarmstuf Rout, Copas, Direkter vun der Santé, Gesondheetsminister, Hëtztwell, MeteoLux, RoutKräiz
Next post Previous post