Search

You may also like

Automatiséiert Filtere stellen eng eescht ze huelend Gefor fir den Internet duer
Neiegkeeten Sport

Automatiséiert Filtere stellen eng eescht ze huelend Gefor fir den Internet duer

En Upload-Filter fir den Internet ass esou eng absurd Iddi,

A wat dréift deen neie britesche Premierminister?
Neiegkeeten Sport

A wat dréift deen neie britesche Premierminister?

De britesche Premierminister Boris Johnson huet sech dës Woch e

Eng eedel Konscht: Esou schaffen eis Lëtzebuerger Buchbënner (Deel 2)
Neiegkeeten Sport

Eng eedel Konscht: Esou schaffen eis Lëtzebuerger Buchbënner (Deel 2)

Am Kader vun eiser Aktiounswoch zum Weltdag vum Buch krute

Exzellent Lëtzebuerger Leeschtung op der Weltmeeschterschaft am Ballonsport!

Exzellent Lëtzebuerger Leeschtung op der Weltmeeschterschaft am Ballonsport!

Dëse Samschdeg ass déi 23st Weltmeeschterschaft vun den Waarmloft Ballonen an Éisträich, zou Gross Siegharts, op een Enn gaangen. 105 Konkurrenten aus 29 verschiddenen Natioune sinn vum 16.08-25.08.2018, ënnert der gewinnter ganz gudder Leedung vum Lëtzebuerger Claude Weber, un de Start gaangen.

WeltmeeschterschaftAm ganze goufen 10 Flich gemaach, bei deenen 31 verschidden Aufgaben op d’Pilote gewaart hunn. Um Enn wennt de jonken Englänner Dominic Bareford, zweeten ass den Schwäizer Stefan Zeberli an drëtten ass den russesche Pilot Sergey Latypov. Bemierkenswäert ass, datt den Dominic Bareford dëst Joer och den Schlussgewënner vum POST Luxembourg Balloon Trophy den 22 Juli zu Miersch gouf.

Aus Lëtzebuerger Siicht hunn 2 Piloten, de Christophe Betzen an de Colin Weber an der Kompetitioun matgemaach. De Christophe Betzen, fir deen et seng éischt International Kompetitioun war, kennt op eng gutt 72ste Platz. De Colin Weber placéiert sech an dësem Feld mat den weltbeschte Piloten op der exzellenter 17ter Platz.

WeltmeeschterschaftVun deenen 31 Aufgaben huet den Colin der 2 als Éischten ofgeschloss. Déi zwee Piloten hunn eist Land beschtens vertrueden, wouduerch bei der nächster Weltmeeschterschaft erëm méi Lëtzebuerger Piloten däerfen un de Start goen. De Colin Weber ass hei mat dem frësch um Mierscher POST Luxembourg Ballon Trophy virgestallte Ballon LX-BLX Let’s make it happen / Visit Luxembourgmat eiser neier Lëtzebuerger Identitéit un de Start gaangen.

matgedeelt vum Cercle Luxembourgeois de l’Aerostation

Fotoen: © CLA/2018

Related topics Ballonsport, Cercle Luxembourgeois de l'Aerostation, Christophe Betzen, Colin Weber, Éisträich, Weltmeeschterschaft
Next post Previous post