Search

You may also like

Iwwerreechung vum nationale Sports-Brevet an dem Präis Fitness Pass 2018
Kultur Neiegkeeten

Iwwerreechung vum nationale Sports-Brevet an dem Präis Fitness Pass 2018

Am Kader vun der Zeremonie an der Coque huet de

Rotondes: Den offizielle Programm bis den 11. Oktober 2020
Kultur Neiegkeeten

Rotondes: Den offizielle Programm bis den 11. Oktober 2020

Vu Kultur, Musek a Konscht, iwwert Konferenzen, Workshops an Atelieren

Europäesch Unioun: Eent vun den éischten Affer vun der Gesondheetskris!
Kultur Neiegkeeten

Europäesch Unioun: Eent vun den éischten Affer vun der Gesondheetskris!

Een Dag virum Europadag rifft den LCGB zur europäescher an

„D’Lëtzebuerger Orthografie“ ass nees ze kréien

„D’Lëtzebuerger Orthografie“ ass nees ze kréien

Wéi am November 2019 eng aktualiséiert a completéiert Orthografie vun der Lëtzebuerger Sprooch virgestallt gouf, war d’Nofro risegrouss. Bannent kierzter Zäit huet dat offiziellt Reegelwierk mussen zweemol nogedréckt ginn.

Zanter der Rentrée 2020 ass déi aktualiséiert Rechtschreiwung eleng a Kraaft, wat nach emol zu enger grousser Nofro gefouert huet. Ugangs des Joers gouf dofir nach emol nogedréckt – déi 14.000 Exemplairë waren deen Ament all verdeelt an den Zenter fir d’Lëtzebuerger Sprooch (ZLS) huet d’Commandë gesammelt.

Zanter dem 13. Januar ass d’Bichelche mam Titel „D’Lëtzebuerger Orthografie“ nees ze kréien. Fir dat ze feieren, huet den Educatiounsminister Claude Meisch e Mëttwoch de Moien der Madamm Cornelia Baum vun Alzeng, déi d’Buch am Dezember virbestallt hat, den éischten Exemplaire vun der mëttlerweil 4. Oplo iwwerreecht. Zesumme mam ZLS-Direkter Luc Marteling huet de Minister sech mat der linguistesch ganz interesséierter Madamm Baum iwwer déi aktuell Defie vun der Lëtzebuerger Sprooch an iwwer déi aktuell Publikatioune vum ZLS ënnerhalen. (Weider Informatiounen hei)

„D’Lëtzebuerger Orthografie“ gëtt et nach ëmmer gratis. Et kann ee se vun elo un nees am Zenter fir d’Lëtzebuerger Sprooch bestellen (einfach op lod@lod.lu mailen, d’Adress wgl. net vergiessen). D’Virbestellunge ginn an den nächsten Deeg verschéckt. Wien d’Buch oder méi grouss Commanden am ZLS-Siège (163, rue du Kiem, L-8030 Stroossen) wëllt ofhuelen, deen ass gebieten, virdrun e Rendez-vous auszemaachen (Tel. 247-88640 oder lod@lod.lu).

Um Internetsite vum ZLS kann een d’Orthografie och gratis als PDF eroflueden.

Matgedeelt vum Ministère fir Educatioun, Kanner a Jugend

Opmaacherbild: © MENJE / ZLS

Related topics Buch, Cornelia Baum, D’Lëtzebuerger Orthografie, Reegelwierk, Sprooch, Zenter fir d'Lëtzebuerger Sprooch, ZLS
Next post Previous post