Search

You may also like

déi gréng: Global denken, lokal agéieren
Neiegkeeten

déi gréng: Global denken, lokal agéieren

Déi Déifferdenger Gemeng hat dëse Samschdeg d’Éier de Landeskongress 2017

D’Hôpitaux Robert Schuman informéieren elo och iwwert TikTok
Neiegkeeten

D’Hôpitaux Robert Schuman informéieren elo och iwwert TikTok

Op diverse sozialen Netzwierker loossen déi Professionell vun den Hôpitaux

Vu Lëtzebuerger Spezifizitéiten am Gesondheetssystem
Neiegkeeten

Vu Lëtzebuerger Spezifizitéiten am Gesondheetssystem

Ob Lëtzebuerg wéi seng Noperen an der zweeter Well stécht

Der Liichtverschmotzung entgéint wierken – Esou einfach kann et sinn!

Der Liichtverschmotzung entgéint wierken – Esou einfach kann et sinn!

Liichtverschmotzung duerch kënschtlech Luucht ass net nëmmen en ästhetesche Problem a bréngt uerg Konsequenze fir d’Natur a seng Bewunner mat sech. Och eis Gesondheet leit dorënner: Schlofstéierungen, Depressiounen, souguer vun Diabetis a Kriibs ass riets. A fir aktiv fir déi natierlech Däischtert vun der Nuecht ze kämpfen ass elo den interregionalen NIGHT LIGHT Projet gestart ginn.

Siwen europäesch Partnerlänner (Holland, Ungarn, Spuenien, Dänemark, Slowenien, Italien a Lëtzebuerg) hu sech zesummegedoen, fir op d’Problemer an déi onerwaart Folge vun der Liichtverschmotzung opmierksam ze maachen. Ma, an dësem Kader huet den Naturpark Our, mat Ënnerstëtzung vum Ministère fir Energie a Raumplanung, e regionale Berodungsbüro gegrënnt. Zënter Oktober 2019 kann een hei op den hauseegene Expert treffen a sech méi genee informéieren.

„Mäin Optrag ass eigentlech dräifach“, sou de Beliichtungsspezialist. „Ech hëllefe souwuel den 8 Gemenge vum Naturpark Our, fir hir ëffentlech Beliichtung, sou wéi déi vun de Gebaier ze verbesseren, wéi och allen an der Regioun presenten Entreprisen, fir Léisungen ze fannen, déi dorobber ofzielen, d’Liichtemissiounen sou wéi de Stroumverbrauch ze reduzéieren.“

Dobäi komme Konferenzen a Formatioune fir op de Problem opmierksam ze maachen, ze weise wéi et zur Liichtverschmotzung kënnt a wéi een aktiv dogéint virgoe kann.

Liichtverschmotzung© Pol Bourkel

An de leschten 10 Joren ass de Präis fir Liicht erofgaangen, wärend gläichzäiteg d’Méiglechkeeten an d’Luucht gaange sinn. Elo gëllt et, der Inflatioun vum kënschtleche Liicht entgéint ze wierken, wat schonn duerch einfach Schrëtt geschéie kann.

Hält eng Beliichtung am Gaart den Déif wierklech dovunner of, an d’Haus anzebriechen? Nee, an och mir selwer profitéieren an der Nuecht net dovunner, wa mir den Terrain dobausse beliicht hunn. E weideren Tipp ass et, d’Luuchte vun uewen no ënnen op de Buedem auszeriichten a se net ze héich opzehänken.

Am beschte Fall entscheet ee sech fir e waarme giele Faarftoun bei der Luucht. Dës Decisioun wierkt sech net nëmme positiv op eis, d’Insekten an d’Villercher aus, déi esou manner an der Nuecht gestéiert ginn. Mat Beweegungsmelderen oder Zäitschaltaueren gëtt d’Quantitéit u kënschtlecher Luucht reduzéiert an och d’Nopere kënne roueg schlofen.

De Katalog mat nëtzlechen Informatiounen an enger Checklist fannt Dir HEI a Form vun engem PDF. Bei weidere Froe kann ee sech gären per Mail u lichtberatung@naturpark.lu riichten.

Opmaacherbild: © Pol Bourkel

Related topics Energie, Expert, kënschtlech Luucht, Kriibs, Liichtberoder, Liichtverschmotzung, Naturpark Our, NIGHT LIGHT PROJET
Next post Previous post