Search

You may also like

Luuchten a Pneue Campagne 2020: „schwaach Batterien“
International Neiegkeeten

Luuchten a Pneue Campagne 2020: „schwaach Batterien“

Den ACL, ee wichtege Partner vun den Automobilisten an Motarden,

Naturmusée Fest 2021: Wa Kanner spilleresch d‘Natur kenneléieren
International Neiegkeeten

Naturmusée Fest 2021: Wa Kanner spilleresch d‘Natur kenneléieren

D‘Wieder huet matgespillt, den Himmel war blo an d‘Sonn huet

Polizist: Keen einfachen „Job“
International Neiegkeeten

Polizist: Keen einfachen „Job“

Op Meschelsdag, an dat huet Traditioun, éiert d‘Police hire Patréiner

Little Grey a Little White: Endlech am natierleche Liewensraum!

Little Grey a Little White: Endlech am natierleche Liewensraum!

Freedeg Noriichten aus Island: Wéi SEA LIFE Trust elo just matgedeelt huet, sinn déi zwee Beluga-Damme Little Grey a Little White an déi grouss Bucht zu Heimaey entlooss ginn, wou si elo hire Fräiraum genéisse kënnen. Nodeems si am August an de baussechte Pool bruecht gi sinn, hu si sech akklimatiséiert a konnten an „d’Fräiheet“ entlooss ginn.

D’Belugaen vum Park a Shanghai (China) op d’Westmännerinselen (Island) ze bréngen, war déi eng Erausfuerderung. Se no an no un hiren eigentleche Liewensraum ze winnen a se op d’Liewen dobaussen ze preparéieren, war déi nächst Erausfuerderung. No méintlaanger Aarbecht kann d’Ekipp elo houfreg zouginn, datt d’Walen am 32.000 Quadratmeter groussen an 10 Meter déiwe Bausseberäich schwammen.

Little Grey© SEA LIFE Trust

Natierlech ass d’Aarbecht hei net gedoen. Et gëllt, d’Déieren am A ze behalen, fir hiert Wuelergoen an hir Gesondheet ze suergen, an esou de Succès an d’Erkenntnisser vun dëser Missioun an Zukunft ze notzen, fir weider Waasserbewunner an hiren natierleche Liewensraum z’entloossen.

Den Andy Bool, Leeder vu SEA LIFE Trust, ënnersträicht: „ Mir sinn absolut begeeschtert iwwert de Progrès, deen d’Little Grey an d’Little White gemaach hu, säit si am Pool an der Bucht sinn. Si iesse gutt an akklimatiséiere sech an hirer natierlecher Ëmgéigend an de baussechten Elementer. Mirhu si schrëttweis an d’Bucht entlooss, mee se zesummen an der Flora a Fauna vun der grousser Bucht déi éischt Kéier schwammen ze gesinn, war esou wonnerbar z’erliewen an huet eis ze verstoe ginn, datt d’Little Grey an d’Little White et genéissen, nees am Mier ze sinn.“

Wéi d’Cathy Williamson, vum WDC End Captivity Programm erkläert huet, hofft een, datt nach vill weider vun den 3.500 Walen an Delfinen, déi a Gefaangenschaft liewen an eisem Amusement dénge sollen, zeréck an hiren eigentleche Liewensraum dierfen.

Déi beandrockend Rees vun den zwee Belugae gëtt an engem zweedeelegen Documentaire gewisen, deen am Oktober lafe wäert. Heibäi ginn d’Erausfuerderunge vun dem komplexen Trajet an de groussen Engagement vun alle Bedeelegte wärend dëser Missioun gewisen.

Dës Artikele kéinten Iech och interesséieren:

Opmaacherbild: © SEA LIFE Trust

Related topics Beluga, Cathy Williamson, Fräiheet, Fräiraum, Island, Klettsvik Bucht, Little Grey, Little White, SEA LIFE Trus
Next post Previous post