Search

You may also like

Beaufort Knights: D’Gléck war nees op hirer Säit!
Kultur Neiegkeeten

Beaufort Knights: D’Gléck war nees op hirer Säit!

Um Samschdeg Owend hunn d’Beaufort Knights bewisen, datt d’Gléck zeréck

De Minister Romain Schneider zur Schouluebst-Kritik vum MECO
Kultur Neiegkeeten

De Minister Romain Schneider zur Schouluebst-Kritik vum MECO

De Minister fir Landwirtschaft, Wäibau a ländlech Entwécklung Romain Schneider

Wann d‘Leit net emol méi de Protokoll bezuelen
Kultur Neiegkeeten

Wann d‘Leit net emol méi de Protokoll bezuelen

Tëscht 2013 an 2019 sinn eng 700.000 Protokoller net bezuelt

Loscht op Kino?

Loscht op Kino?

Wann d‘Wieder iwwert de Weekend eigentlech de Bedreiwer vun de Kinoen am Land hätt kënnen entgéintkommen, esou hält sech d‘Freed bei dësen a Grenzen. Zanter Mëtt Juni ass et jo nees méiglech an de Kino ze goen, an d‘Oplagen si fir de Gaascht net wierklech e Problem. Mee et ass net einfach d‘Leit nees unzelackelen an et gëtt jo och „Alternativen“.

Op d‘Autoskinoe, d‘Solden oder d‘Nowéie vun der Covid19-Pandemie, méiglecherweis all dräi Facteuren zesummen, de Problem sinn? Wéi och ëmmer, um Kierchbierg kritt dee gréisste Kino-Komplex grad emol en Drëttel vu senger Kapassitéit ausgelaascht, an um Belval gesäit et nach Grëtz méi schlecht aus. An et gëtt net wierklech Villes wat sech dergéint ënnerhuele léisst.

Gutt et gëtt eng Rei nei Filmer, woubäi net emol de Film „De Gaulle“ elo wierklech als Highlight ze bezeechne wier. Op där aner Säit, hunn sech d‘Leit an den dräi Méint Confinement un déi „nei Medien“ gewinnt. D‘Abonnementer bei Netflix an anere VOD-Ubidder si geklommen, an de Kino doheem bitt eng Rei Virdeeler, déi bei de Mënschen op grouss Zoustëmmung treffen.

De selwer gemaachte Popcorn ass net nëmme Präiswäert, mee och nach ee gellege Spaass, dat besonnesch fir Famillje mat Kanner. Et leeft och net Gefor virum oder nom Kinosbesuch zousätzlech Ausgaben ze maachen, a wie Pizza am Frigo huet, ass schonn op der gewonnener Säit, an näischt hënnert een drun se selwer zesummenzebastelen (siehe Popcorn). Firwat also Kino?

An et ass – wann ee sech un d‘Recommandatioune vun de groussen Haiser hält – och net méi wierklech eng spontan Decisioun, vu datt d‘Haiser et gäre geséichen, datt ee sech iwwert Internet fir ee Film zu enger gewësser Zäit umellt. Dat mécht Sënn, soll dach méiglechst all Kontakt vermidde ginn. Mee dat huet och seng Nodeeler, an alles wat de Charme vum Kino ausmécht ass fort.

Wann awer d‘Leit net méi an de Kino ginn, grad an esou grouss Anlage wéi se de Kierchbierg oder Belval hunn, gëtt och Kollateralschied. Op dëse Plaze gëtt Restauranten a Bistroen, déi op dës filmbegeeschtert Clientèle ugewisen, och grad wëll si jo manner Plaz fir den Accueil hunn. Si misste fir op hir Käschten ze komme méi Servicer ubidden, mä wa kee kënnt steet en do ze stoen.

An da kënnt elo och nach de Summer an d‘Stad Lëtzebuerg wäert mat der Cinemathéik um Glacis nach ee weideren Autokino ubidden. Mat Péiteng a Capellen hätt en därer dann dräi, an et ass och keen do, deen de Verléiften d‘Knuddele verbitt, esoulaang dat sech en engem Gefier ofspillt. Et kann also nach en Ament daueren, bis d‘Kino-Komplexer nees Faart wäerten ophuelen.

Illustratioun: Esou kann et ausgesinn, wann d‘Offer der Contrainte näischt entgéintzesetzen huet. D‘Konkurrenz duerch den „Home-Zinema“ ass dann elo och zur Realitéit ginn an et muss ee längst net méi éiweg waarden, fir sech de Film doheem unzekucken. An dat och grad da wann ee Loscht drop huet, ouni sech mussen unzemellen, sech ze deplacéieren a villes méi… © Karen Zhao / unsplash

Related topics Blockbuster, Covid19, Filmer, Kino, Kris
Next post Previous post