Search

You may also like

Irma huet Barbuda voll erwëscht
Neiegkeeten

Irma huet Barbuda voll erwëscht

Haiser déi sech „opgléist“ hunn, Geschäfter opgerappt, Palmen entwuerzelt: Nodeems

25. Joer Haus vun der Natur – Feiere mat Kuch a super Aktivitéiten!
Neiegkeeten

25. Joer Haus vun der Natur – Feiere mat Kuch a super Aktivitéiten!

Fir de 25. Gebuertsdag vum Haus vun der Natur gitt

mobiliteit.lu – Ee moderne Service mat héije Verspriechungen
Neiegkeeten

mobiliteit.lu – Ee moderne Service mat héije Verspriechungen

Zesumme mam Verkéiersverbond huet den Transportministère gëschter op déi offiziell

De Projet „mateneen fir eng modern Gemeng“ geet a seng zweet Ronn!

De Projet „mateneen fir eng modern Gemeng“ geet a seng zweet Ronn!

Mat Hëllef vum participative Prozess „mateneen fir eng modern Gemeng“ solle politesch Responsabel, d’Personal aus dem Gemengesecteur an d’Bierger hire Beitrag zur Neigestaltung vum Gemengegesetz leeschten. Elo huet d’Inneministesch Taina Bofferding d’Resultater vun der éischter Phas presentéiert.

Zënter datt de Projet „mateneen fir eng modern Gemeng“ am Juli 2019 lancéiert ginn ass hu 6 regional Forumen mat 400 Representante aus 93 Gemengen, eng Online-Enquête mat 5.655 Participanten an e Biergeratelier mat 50 Participanten an d’Consultatioun vu 6.300 Persounen stattfonnt.

Et konnte konkret Gemeinsamkeeten beim Gemengepersonal fonnt ginn, wann et beispillsweis ëm d’Qualifikatioun, d’Gestioun, d’Formatioun an d’Verantwortung geet. Mat de gesammelten Informatioune schafft de Ministère elo d’Pisten aus, fir d’Gemenge besser ënnerstëtzen ze kënnen. Bei der Enquête konnt een zudeem erausfanne, datt d’Froen zur Gestioun vum Personal keen negativen Impakt op d’Qualitéit vun de Servicer hunn. Ganzer 84 % vun de Participante sinn hunn uginn zefridden mat der Qualitéit vun den administrative Servicer ze sinn.

Zuelräich Iddien an Ureegunge si gesammelt ginn: Vun der Reform vum politesche Congé bis hin zur Professionaliséierung vun der Funktioun vum Buergermeeschter, oder och d’Neidefinéierung vun der Roll vun de Conseilleren a consultative Kommissioune waren all Beräicher am Gespréich.

„Eng éischt Erkenntnis ass fir mech perséinlech, d’Rollendefinitioun tëschent dem Ministère an de Gemengen nach besser ze erklären. Wou fänken deem engen seng Responsabilitéiten un an wou sinn deem aneren seng Grenzen? Hei ass menger Meenung no Nohuelbedarf, an dës Rolleverdeelung muss jidderengem méi bewosst ginn“, erkläert d’Inneministesch.

Aus dësem Grond leeft de participative Prozess am Oktober 2020 weider. De Fokus läit um Fonctionnement vun der Gemengeverwaltung.

Ma, och wärend der sanitärer Kris stoung den Inneministère de Gemengen zur Verfügung fir e legale Kader ze bidden, sou datt d’Kontinuitéit vun de Servicer konnt garantéiert ginn an d’Mataarbechter déi néideg Informatiounen an Äntwerten op hir Froe konnte kréien. Och aus dëser schwiereger Situatioun huet ee Réckschlëss gezunn, déi fir d’Zukunft. berécksiichteg ginn.

Opmaacherbild: D’Inneministesch Taina Bofferding © MINT

Related topics Éischt Phs, Enquête, Gemengegesetz, Gemengereform, Inneministère, mateneen fir eng modern Gemeng, Taina Bofferding, Verwaltung
Next post Previous post