Opgrond vun rezenten gewalttätegen Evenementer hei zu Lëtzebuerg, déi mir als Associatioun kloer verurteelen;
Opgrond dat eis Gesellschaft ëmmer méi auseneen drift, an dësen Zäiten vun COVID-Pandemie, Klimawandel, sozial Ongläichheeten, geopolitescher Onsécherheet, militäresche Muskelspiller, Fake-News, zouhuelend mangelnd Vertrauen an de Staat, an d’Institutiounen a Politik;
Dofir ginn Zukunftsängschten vun de Bierger*Innen, ëmmer méi grouss;
Dofir muss een als Gesellschaft a Politik kloer Perspektiven an Utopien ubidden. Op all Erausfuederung gëtt et eng Léisung, et muss e just wëllen.
Dofir lancéiere mer als Friddens- a Solidaritéitsplattform (FSPL) als éischt eng Initiativ op de soziale Medien: #mateneenfirzukunft
Schéckt eis w.e.g. är Photo (et steet iech fräi mat oder ouni Numm) mat engem vun den 8 Slogans op fsplux@posteo.lu ,mir këmmeren eis em d’Verëffentlechung ennert dem Hashtag #mateneenfirzukunft.
Dir musst wëssen, wann der eis esou e Message schéckt, dir iech mat de 8 Slogans identifizéiert.
- Fir e Mateneen an eiser Gesellschaft,
- Géint Haass, Rassismus an Antisemitismus
- Fir Dialog a géint Gewalt
- Fir eng Stäerkung vun eiser Demokratie
- Fir eng gutt sozial Ofsécherung
- Fir wëssenschaftsbaséiert Léisungen
- Fir Transparenz a géint Fake-News
- Fir méi Empathie an liewegen Diskussiounen
D’Friddens- a Solidaritéitsplattform mëscht en Appell un d‘Politik, national a kommunal an un d’Press sech Mëttel ze ginn fir d’Mateneen an der Gesellschaft ze stäerken.
Als Friddensplattform wäerte mir an de nächste Wochen a Méint Initiativen a Virschléi an där Richtung ënnerbreeden.
Matgedeelt vun der Friddens- a Solidaritéitsplattform (FSPL)
