Search

You may also like

What the Fakt – d’Gebuert vum Raiffeisen a säi Finanzmodell!
Neiegkeeten

What the Fakt – d’Gebuert vum Raiffeisen a säi Finanzmodell!

Mat 38 Agencen am Grand-Duché gehéiert d’Raiffeisen-Bank och bei eis

Haut ass den internationalen Dag vun der Pressefräiheet
Neiegkeeten

Haut ass den internationalen Dag vun der Pressefräiheet

Den internationalen Dag vun der Pressefräiheet um 3.Mee huet mat

déi lénk si prett fir den Oktober
Neiegkeeten

déi lénk si prett fir den Oktober

De 14. Oktober si Wahlen, an no an no stellt

Ee mëlle Wanter mat vill Reen – d’Landwirtschaft freet sech

Ee mëlle Wanter mat vill Reen – d’Landwirtschaft freet sech

E Méindeg huet nom meteorologesche Kalenner d’Fréijoer ugefaangen. An dësem Kader huet de staatleche Wiederdéngscht AgriMeteo vun der ASTA seng Wiederanalys zum Wanter 2020/2021 verëffentlecht. Am Zäitraum vum 1. Dezember 2020 bis den 28. Februar 2021 hu sech d’Temperature landeswäit als iwwerduerchschnëttlech mëll duergestallt. Och u Reen huet et net gemangelt.

D’Landwirtschaft sollt dat freeën. Et war nämlech am Duerchschnëtt ëm 1,4°C méi waarm. Déi mëll Temperaturen am Dezember ware fir d’Wanterkulture vu Virdeel – ausser fir verschidde Rapsbestänn.

mëlle Wanter

Pünktlech zu de Feierdeeg sinn d’Temperature vun der éischter Dezemberhallschent op d’Wäerter vun der Referenzperiod zeréckgaangen. Duerch den Déif „Hermine“ konnt ee sech virun allem am Norde vum Land um Schnéi erfreeën. Zu Reiler sinn um leschten Dag vum Joer 2020 ganzer 14 Zentimeter Schnéi gemooss ginn.

Déi wanterlech wäiss Atmosphär huet sech um 8. Januar schliisslech duerch dat ganzt Land gezunn. Zu Gréiwemaacher konnte 5 Schnéideeg mat enger maximaler Héicht vun 2,5 Zentimeter opgezeechent ginn. War déi éischt Hallschent duerchschnëttlech kal, esou sinn d’Temperaturen um 16. Januar ënnert de Gefréierpunkt gefall. Zum Enn vum Mount hin sinn Äis a Schnéi schliisslech lues a lues geschmolt.

Pünktlech fir Vältesdag huet déi kal Polarloft landeswäit fir Minustemperature gesuergt. De Schock koum dunn, wou just eng Woch méi spéit den Thermometer nees extrem schnell geklommen ass. Zu Réiser si ganzer 18,4°C gemooss ginn.

mëlle Wanter

D’Wiederdate stamen aus engem Miessnetz vun 32 automatesche Wiederstatiounen, déi an alle Regioune vum Land positionéiert sinn. Dobäi ginn d’Wäerter vun den dräi Wanterméint vun de véier representative Statiounen zu Aassel (Norden), Kënzeg (Süd-Westen), Réimech (Musel) a Gréiwemaacher (Museldall) mat den Duerchschnëttswäerter vun der Referenzperiod 1981-2010 verglach.

Weider Informatioune fannt Dir op www.agrimeteo.lu.

Opmaacherbild: © Andrey Bond / Unsplash

Related topics AgriMeteo, ASTA, Hermine, Landwirtschaft, mëlle Wanter, Reen, Schnéi, Wiederstatiounen
Next post Previous post