Carte Blanche: Mënschen, déi däi Liewe retten

„Du kanns dech op mech verloossen."

Verschidde Mënsche kënnen a schwéieren Zäite richteg Liewensretter sinn.

Et sinn dës Mënschen, déi eis soen, “du kanns dech op mech verloossen”, an déi dann och fir eis do sinn. Dës wonnerbar Mënsche leeschten eis Gesellschaft a bidden eis, wann néideg eng sécher Plaz.

Heiansdo brauche mir si, obwuel et och Zäite gëtt, an deene mir méi onofhängeg sinn. De Wonsch ass ëmmer do, datt dës Mënschen un denger Säit sinn.

Mee wéi eng Roll spillen si an eisem Liewen? Wat mécht dës Mënschen aus?

Et sinn eigentlech nëmme 6 Wierder, déi eis Courage an Hoffnung ginn, wa mir dobäi sinn, dës ze verléieren.

All Mënsch ass eenzegaarteg. An déi Mënschen, déi eis dës 6 Wierder soen an et och esou mengen, sinn ëmmer do, wa mir se brauchen. Obwuel si net ëmmer kierperlech uwiesend sinn, wäerten si eis zu all Moment ënnerstëtzen an eis d’Hand reechen, wa mir dës sollte brauchen.

An obwuel si eis ënnerstëtzen, respektéieren si eise perséinleche Fräiraum. Et kéint een och soen, si setze Grenzen, well och wa si eis gären hëllefen, mussen si awer och fir hier eege Bedürfnisser do sinn.

Villäicht mengt dir och, datt d’Ënnerstëtzung duerch aner Mënschen net wichteg ass. Mee genee de Géigendeel ass de Fall. Et ass tatsächlech de Manktem un Ënnerstëtzung duerch aner Mënschen, dee grouss Auswierkungen op d’Gesondheet kann hunn.

Obwuel een natierlech d’Méiglechkeet huet, d’Hëllef vun anere Mënschen ofzeleenen, bedeit dat net, datt hier Ënnerstëtzung keng Bedeitung huet. Villäicht schummt een sech ze vill oder et huet een Angscht sech verletzbar ze maachen. Mee dës Hëllef ass wichteg a kann d’Liewensqualitéit positiv verbesseren.

Déi wichtegst Mënsche sinn déi, mat deene s du eng gesond Bezéiung opbaue kanns, déi dech ënnerstëtzen, gären hunn an anengems deng Grenze respektéieren.

Latest news
Related news