Search

You may also like

Zäit sech en Iwwerbléck ze verschafen
Erkläert Fail Stories

Zäit sech en Iwwerbléck ze verschafen

Ob eleng, zou zweet oder mat Kanner, de Coronavirus Covid19,

Macron: „Mir musse mat villen Affer rechnen“
Erkläert Fail Stories

Macron: „Mir musse mat villen Affer rechnen“

Den Orkan Irma, vun enger ni erlieften Intensitéit, huet op

De Superjhemp mat ausschliisslech SUPER Bewäertungen
Erkläert Fail Stories

De Superjhemp mat ausschliisslech SUPER Bewäertungen

Um vergaangene Freideg war déi offiziell Avant-Première vum Superjhemp Film.

dislike

#Metoo, erkläert

En Hashtag mécht d'Ronnen

#Metoo, erkläert

Deen een oder aneren vun iech huet et villäicht schonn op Facebook an Twitter gesinn: Fraen schreiwe säit gëschter Messagen mam #metoo. Heiansdo ass et souguer alles, wat se schreiwen. Mee wat verstoppt sech dohannert?

Wat bedeit den Hashtag?

Mat #metoo signaliséiert een, datt ee selwer och Opfer vun enger sexueller Belästegung ginn ass. Dobäi soll de Leit kloer gemaach ginn, wéi geleefeg des Virfäll sinn, wou vill Leit mengen, si géife guer net esou heefeg virkommen.

Wéi ass dësen Hashtag entstane?

En Tweet vum Alyssa Milano huet dozou gefouert, datt sech dausende Fraen zu Wuert gemellt hunn. D’Schauspillerin a Produzentin hat op Twitter dozou opgeruff, sech ze mellen a krut schnell vill Feedback.

Firwat ass des Aktioun gestart ginn?

Dat ganz leeft am Kontext vun der Weinstein-Affär. Dem Hollywood-Produzent gëtt bekanntlech virgeworf, vill Fraen während senger Karriär net nëmmen sexuell belästegt mee och ugegraff ze hunn. Des Affär geet mëttlerweil esou wäit, datt en net nëmme säi Posten bei der Firma huet missen ofginn, mee och d’Firma selwer steet mëttlerweil zum Verkaf.

Wéi kann ee reagéieren, wann een dësen Hashtag bei enger Persoun gesäit, déi ee selwer kennt?

Et ass wichteg ze respektéieren, datt esou e public goen ganz vill Courage vun engem verlaangt. Och gi Fraen, déi oppen doriwwer schwätzen stigmatiséiert oder esou guer agresséiert. Den Hastag #Ibelieveyou existéiert, fir de Fraen ze versécheren, datt een dëst public goen eescht hëlt an hinne gleeft.

Kann dës Aktioun eppes bewierken?

Op se an Hollywood zu iergendeppes féiert ass schwéier anzeschätzen. Allerdéngs kann et ville Leit hëllefen ze erkennen, wéi wäitleefeg dëse Problem ass, an datt een eppes ennerhuele muss.

Related topics Hollywood, Me too, Sexuell Iwwergrëff, Sozial Netzwierker, Twitter, Weinstein
Next post Previous post