Search

You may also like

SALUT SALON – Wat Dir schonn ëmmer iwwert d’Léift héiere wollt…
Neiegkeeten

SALUT SALON – Wat Dir schonn ëmmer iwwert d’Léift héiere wollt…

Am Programm vu SALUT SALON dréit sech alles ëm dat

surprise
Wéi wäit bass de bereet ze goen ?
Neiegkeeten

Wéi wäit bass de bereet ze goen ?

Et vergeet kaum en Dag wou sech der net zwee

Police, Smartphone a Privatsphär: e kontestéierte Cocktail an den USA
Neiegkeeten

Police, Smartphone a Privatsphär: e kontestéierte Cocktail an den USA

Wouhinner geet een, wien gesäit een, wat mécht een? D‘Äntwerten

MyGuichet.lu zielt méi wéi 1,3 Milliounen Demarchen an 9 Méint

MyGuichet.lu zielt méi wéi 1,3 Milliounen Demarchen an 9 Méint

Vum 1. Januar bis den 31. September 2020 sinn op der Lëtzebuerger Plattform MyGuichet.lu méi wéi 1.300.000 administrativ Demarchen un d’Ministèren a Verwaltungen iwwermëttelt ginn. E stolze Rekord, deen nach emol getoppt gëtt wann ee bedenkt, datt an der selwechter Period 2019 knapp een Drëttel dovunner ze verzeechne war.

Grond fir dës rasant Hausse sinn déi verschidde Servicer, déi am Kontext vun der Pandemie digitaliséiert a verbessert gi sinn. Virun allem déi massiv Ufroe fir Covid-Tester fir d’Bevëlkerung a Reesend hunn d’Zuel an d’Luucht schéisse gelooss. Gutt datt ee sech beim CTIE schonn am vergaangene Joer drop virbereet huet, fir Rendez-Vousen iwwert MyGuichet.lu huelen ze kënnen.

Den delegéierte Minister fir Digitaliséierung, Marc Hansen huet dobäi d’Aarbecht an d’Ustrengunge vun de leschte Méint vun den Agente beim CTIE a MyGuichet.lu ënnerstrach. „Den CTIE huet eeschten Engagement an dëser Kriseperiod bewisen, fir esou de Bierger e schnellen an zouverlässege Service ze garantéieren. Ech soen allen Agente Merci. Och wann hir Aarbecht hannert de Kulissen ofleeft, war si immens wichteg fir déi schwiereg Situatioun ze meeschteren.“

Dat gesot, kann och net dobäi gefüügt ginn, datt d’Demarchen, déi näischt mat der sanitärer Kris ze dinn haten, ëm 17 % geklomme sinn. Enn September louch ee bei engem Total vu 430.000 Stéck.

Erkläre kann een dat duerch d’Tatsaach, datt MyGuichet.lu eng ëmmer méi räichhalteg Offer bitt an och ëmmer méi Unerkennung bei der Ëffentlechkeet fënnt. D’Resultater weisen dem Staat, datt ee gutt equipéiert ass, fir grouss Zuelen un Demanden ze geréieren. Bierger an Entreprisen kënnen iwwert déi geséchert Plattform hir Demanden a Formulairen verschécken.

Related topics administrativ Demarche, Covid-Test, CTIE, Formulaire, geséchert Plattform, Marc Hansen, myguichet.lu, Portal
Next post Previous post