Search

You may also like

Neien Lëtzebuerger Aktiounsplang: Jughurt amplaz Waasser!
Neiegkeeten Sport

Neien Lëtzebuerger Aktiounsplang: Jughurt amplaz Waasser!

De Bau vun enger vun der griichescher Molkerei-Grupp FAGE zu

Mat verbëtzen ophalen: Elo!
Neiegkeeten Sport

Mat verbëtzen ophalen: Elo!

Am Kontext vun der grousser Campagne „Zesumme géint d‘Verschwendung“ ass

Pipo Peng: D’Mega-Jick
Neiegkeeten Sport

Pipo Peng: D’Mega-Jick

Virwuert: All Sonndeg gëtt eng Kuerzgeschicht aus dem Liewe vum

Aktivdoheem.lu: Sportlech aktiv, och wärend der Coronakris!

Aktivdoheem.lu: Sportlech aktiv, och wärend der Coronakris!

Fir d’Ausbreedung vum Coronavirus Covid-19 op ee Maximum ze limitéiert, huet d’Regierung all Deplacementer a mënschlech Kontakter op ee strikte Minimum reduzéiert. An dëser Situatioun erweist et sech vir vill Persounen als schwiereg weiderhin physesch a sportlech aktiv ze sinn, fir esou der mentaler a kierperlecher Gesondheet eppes Guddes ze doen. Aus dësem Grond ass elo d’Plattform aktivdoheem.lu lancéiert ginn.

An d’Liewe geruff gouf d’Plattform vum Ministère fir Sport, national Educatioun, Kanner a Jugend, dat zesumme mat der ENEPS an dem SNJ. Wéi den Numm et scho seet, ass et d’Zil verschidde Wierkungen, provozéiert duerch déi aktuell Situatioun, ze reduzéieren an d’Bevëlkerung dozou ze encouragéieren, och Doheem aktiv ze bleiwen.

aktivdoheem.lu

D’Offer u sportlechen Exercice reecht dobäi vu Fitness, iwwer Koordinatioun an Danz, bis hin zu Yoga a Relaxatioun. Ënnerdeelt a véier verschidde Kategorien ass esou fir all Alter eppes dobäi: Elteren mat hire Kanner, Jugendlecher, Senioren an d’Erausfuerderung vum Dag.

Ma, ee weidere Virdeel ass, datt ee sech virtuell mat de Frënn zu Ekippen verbanne kann an esou d’Resultater a déi divers sportlech Méiglechkeeten op de soziale Medien deelt. Dës weideren kann een iwwert aktivdoheem.lu virugeleet ginn op aner Säite mat medezinesche Recommandatiounen a Saache Sport an Zäite vum Confinement.

D’Plattform, déi och Iech Doheem zum Wibbele brénge soll, ass aktuell just a Lëtzebuerger Sprooch verfügbar. No an no wäert dann och eng franséisch Versioun nokommen.

Related topics aktivdoheem.lu, Beweegung, Confinement, Coronavirus, Covid-19, Educatiounsministère, Gesondheet, physesch Aktivitéit, Sport, Sportsministère
Next post Previous post