Search

You may also like

Museksquiz zu Lamadelaine: Äert Wëssen ass gefrot!
Neiegkeeten

Museksquiz zu Lamadelaine: Äert Wëssen ass gefrot!

Dir sidd e richtegen Expert wann et ëm Musek geet?

dislike
Keng Jamaikakoalitioun fir eis däitsch Noperen
Neiegkeeten

Keng Jamaikakoalitioun fir eis däitsch Noperen

Et ass komm wéi et huet misse kommen. Déi sëlleche

RAMMSTEIN – Neie Stoff mat der Single „Radio“!
Neiegkeeten

RAMMSTEIN – Neie Stoff mat der Single „Radio“!

Ee weidere Video vun der däitscher Band RAMMSTEIN ass ugekënnegt

En neie Pilotprojet bei de Garden ab dem 1. September 2020

En neie Pilotprojet bei de Garden ab dem 1. September 2020

Nom positive Bilan vun der Aféierung vun enger drëtter Linn u Garden, huet een e Mëttwoch decidéiert e Pilotprojet anzeféieren, fir dëse Service weiderhin ubidden ze kënnen. Esou soll am Noutfall zu all Ament – och Nuets, um Weekend an u Feierdeeg – Persounen an Nout eng generell medezinesch Fleeg gebuede ginn.

Mam Opkomme vun der sanitärer Kris war et essentiell, eng drëtt Garde opzestellen, sou datt de Gesondheetssystem wärend der Pandemie net iwwerlaascht gëtt. Esou konnt all Etablissement een Dokter a Garde virweisen. Duerch d’Disponibilitéit vu 24 Stonnen op 24 Stonnen konnten d’Hospitaliséierungen an d’Visitten an der Poliklinik reduzéiert, gläichzäiteg awer och eng kontinuéierlech Prise en Charge garantéiert ginn.

An dësem Kontext soll ervirgehuewe ginn, datt duerch dëse System d’Doudesfäll zu Lëtzebuerg, am Verglach zu sengen Nopeschlänner, immens niddreg gehale konnte ginn. Um europäeschen Niveau leie mir ënnert dem Niveau, den eng substantiell Erhéijung markéiert.

D’Linn 3 soll all Dag an zu all Zäit Hëllef bidden, a souwuel Visitten, wéi och Teleconsultatiounen iwwerhuelen. Zil vum Pilotprojet ass et den agefouerte System wärend der Pandemie virunzeféieren, esou eng besser Koordinatioun a medezinesch Organisatioun unzebidden,wouduerch d’Qualitéit an der Fleeg erhalen an onnéideg Hospitaliséierunge vermeit kënne ginn.

De System gëtt an enger éischter Phas vum 1. September 2020 bis den 31. August 2020 vu Generalisten ugebueden. Organiséiert gëtt dat Ganzt vun der AMMD, a Kollaboratioun a mat finanzieller Ënnerstëtzung vum Staat.

Opmaacherbild © United Nations COVID-19 Response / Unsplash

Related topics Dokter, Drëtt Linn, Fleeg, Garde, Gesondheet, Gesondheetssystem, Hëllef, Hospitalisatioun
Next post Previous post