Search

You may also like

money
Net alles um Réck vun de klénge Leit ausdroen
Neiegkeeten

Net alles um Réck vun de klénge Leit ausdroen

Et war e gewinnt kämpfereschen Toun, deen den ULC-President Nico

Desserto – Den Ersatz fir Lieder aus … Cactus?
Neiegkeeten

Desserto – Den Ersatz fir Lieder aus … Cactus?

En ëmweltbewosst Denken ass hautdesdaags bal déi wichtegst Viraussetzung, wann

Grenzgänger Frankräich-Lëtzebuerg: Den Accord gouf verlängert
Neiegkeeten

Grenzgänger Frankräich-Lëtzebuerg: Den Accord gouf verlängert

D’Autoritéite vu Lëtzebuerg Frankräich hunn hiren Accord zum Ëmgang mat

Neijoerschreceptioun an der Chamber

Mat engem laachen an enger Tréin am Knapplach huet de Claude Frieseisen säin Depart annoncéiert

Neijoerschreceptioun an der Chamber

D‘Neijoerschreceptioun an der Chamber ass fir de Chef vun der Verwaltung och ëmmer eng gutt Geleeënheet zréckzeblécken an vun den Erausfuerderunge vum neie Joer ze schwätzen. 2020 ass dann awer eng kleng Ausnam.

Fir de Claude Frieseisen, Generalsekretär vun der Chamber, war et de leschten Optrëtt. Hie geet no 20 Joer loyalem Déngscht an déi verdéngte Pensioun. Dat och, wann hien sech agesteet, een nach dës Legislaturperiod gäre weidergemaach hätt. Hien ass houfreg op seng Ekipp, erfreet iwwert déi gutt Zesummenaarbecht mat allen involvéierten Acteuren an huet nach emol op déi wichteg Roll vu senger Verwaltung am Déngscht vum Bierger higewisen.

Et gouf natierlech den obligate Réckbléck op dat vergaangent Joer, dat eppes „mouvementéiert“ op en Enn gaangen. Et ass jo och kaum engem entgaangen, datt et um Krautmaart deels hefteg bis krätzeg zougaangen ass. D‘Diskussiounen – op wéinst den ominéise „geheim Fichieren“, de geheime Verträg mat friemlännesche Konzerner, engem Gaardenhaischen oder dem Budget – sinn net ëmmer esou sachlech gefouert ginn, wéi et gewënscht wier.

Chamber

Der Chamberpresident Fernand Etgen war voller Luef fir den austriedende Generalsekretär an huet e puer Wuert zu den neien Aufgaben a Changementer déi op op d‘Chamber duerkommen gesot © Martine de Lagardère/moien.lu

Wann de Claude Frieseisen dann awer op seng „Carrière“ zréckbléckt, esou ass hien awer ganz mat deem geleeschten zefridden. Hien hat sengerzäit d‘Ambitioun eng Chamber op d‘Been ze stellen, datt sech déi néideg Mëttel gëtt, fir op Aenhéicht mat den aneren Institutiounen am Land ze stoen. En Objektiv dat hie mat senge Leit erreecht huet. Elo, wou een an déi Digital Ära antrëtt, kéimen awer och ee puer Erausfuerderungen op d‘Verwaltung duer.

D‘Informatik soll méi performant a virun allem méi sécher ginn. Dorëms sollen sech spezialiséiert Entreprise këmmeren, firwat et zu enger Ausschreiwung kënnt. Mee dat ass ee Chantier deen dem Claude Frieseisen seng Successeur muss iwwerhuelen. Wéini den ausscheedende Generalsekretär d‘Zepter weidergëtt, gouf gëschter net matgedeelt. Et steet allerdéngs fest, datt mat de weideren Aufgaben och zousätzlecht Personal soll agestallt ginn.

De Chamberpresident Fernand Etgen war dann och voller Luef fir déi gutt geleeschten Aarbecht, bestätegt dat kollegiaalt, scho frëndschaftlecht Verhältnis, datt d‘Acteure vun der Chamber mat der Verwaltung ënnerhalen, an huet nach emol drun erënnert, wéi wichteg d‘Aarbecht vun der Verwaltung och fir eis Bierger ass. Net ze vergiessen, datt déi éischt Missioun vun der Chamber, doranner besteet, d‘Aarbecht vun der Regierung am A ze behalen.

Foto: Zum Joreswiessel huet de Claude Frieseisen beim Empfang wësse gelooss, datt hien elo seng verdéngte Pensioun wëll an Ugrëff huelen. © Martine de Lagardère/moien.lu

Related topics Chamber, Claude Frieseisen, Fernand Etgen, Neijoerschreceptioun, Verwaltung
Next post Previous post