Search

You may also like

MoveWeCarry: Einfach a gratis d’Gepäck transportéiere loossen
Kultur Neiegkeeten

MoveWeCarry: Einfach a gratis d’Gepäck transportéiere loossen

Zënter dem 23. Juni 2020 kann ee vum neie Service

Vakanz schéin a gutt, mee wouhinner? (Kommentar)
Kultur Neiegkeeten

Vakanz schéin a gutt, mee wouhinner? (Kommentar)

Datt een dëst Joer éischter gutt beroden ass, seng Vakanz

Wouhinner fir d‘Schivakanz?
Kultur Neiegkeeten

Wouhinner fir d‘Schivakanz?

Wärend déi Lëtzebuerger Politik sech iwwer d‘Koherenz bei de Covid19-Mesure

Een neit Buch mat ale Lidder: Den zweete Band mat Lëtzebuerger Wierker

Een neit Buch mat ale Lidder: Den zweete Band mat Lëtzebuerger Wierker

Lëtzebuerger Lidder sinn en Deel vun eiser Traditioun a Kultur. Schonn a jonke Joren léiere mir d’Texter an d’Melodie kennen, sangen se mat. Mee oft vergiesse mir dës Stécker mat der Zäit, respektiv léieren eng gutt Rëtsch Lëtzebuerger Lidder ni kennen. Iwwert déi 2. Strof geet et net eraus, oder et fënnt ee keen Text méi erëm. Mam zweete Band vun „Een neit Buch mat ale Lidder“ soll genee dësem Problem entgéint gewierkt ginn.

Zënter laanger Zäit engagéiert de Jean Kandel sech dofir Lëtzebuerger Lidder – ob al oder och nei – erëm ze fannen, ze archivéieren a mat den haitege Generatiounen ze deelen. Dobäi verfollegt hien ëmmer säi Motto „Lëtzebuerger Lidder dierfen net verluer goen!“

Säin Archiv zielt mëttlerweil ëm 4.000 Wierker, déi iwwert verschidde Bicher an Evenementer un d’Ëffentlechkeet bruecht ginn. Am zweete Band vun „Een neit Buch mat ale Lidder“ huet de Jean Kandel eng Rei Lidder mat éischter witzegem Charakter zesummegedroen. Lidder, déi soss dagdeeglech gesonge gi sinn. Lidder, déi haut nach kaum ee kennt. Lidder, déi soss mat Begeeschterung gesonge goufen an och haut nach Freed opbréngen.

De Jean Kandel erkläert: „Dëst Buch soll déi Lidder nees opliewe loossen, déi een haut kaum méi héiert, an déi – ech mierken et un der Nofro – ëmmer méi erëmgesicht ginn. Sou z.B. d’Operett “Sonili” vun 1939, vun där keng Spuer méi ze fannen ass! Dogéint ginn awer Wierker, déi scho bal verluer waren, nees erëmfonnt an nei opliewe gelooss, wéi “Eist Eisleck” oder “De Minettsdapp” oder och e puer “Jéinesch Lidder” an ee Lidd wat wuel méi jonk ass, iwwer deen Lift am Pafendall.“

Hu mir domat Interessi bei Iech opbruecht an Dir wëllt och en Exemplaire? Fir 20€, respektiv 22€ mat Porto kënnt Dir et per Virement bestellen (BGL LU11 0030 0986 1601 0000, Ären Numm an Är Adress net vergiessen). De Jean Kandel kënnt Dir och iwwert Telefon (Tel.: 621 665 212) oder E-Mail (jeankandel@pt.lu) erreechen.

Mir wënsche vill Spaass beim (erëm)entdecken a sangen!

Related topics De Minettsdapp, Een neit Buch mat ale Lidder, Eist Eisleck, Jean Kandel, Kultur, Letzebuerger Lidder, Sangen, Traditioun
Next post Previous post