Search

You may also like

Rekordverdächtege Bilan fir den CHL
Kultur Neiegkeeten

Rekordverdächtege Bilan fir den CHL

Mat der Presentatioun vum Bilan fir d‘Joer 2018 kann sech

Trick’Art Festival 2020: Skateboarding, Musek a Workshops zu Diddenuewen
Kultur Neiegkeeten

Trick’Art Festival 2020: Skateboarding, Musek a Workshops zu Diddenuewen

Déi 3. Editioun vum Trick’Art Festival, organiséiert vun der Rawdogs

E Mann ass wéinst Besëtz an Tausche vu kannerpornografeschem Material veruerteelt ginn
Kultur Neiegkeeten

E Mann ass wéinst Besëtz an Tausche vu kannerpornografeschem Material veruerteelt ginn

Véier Joer Prisong, wouvunner der dräi mat Sursis, dat ass

Night, Light & More: NORDLIICHTER

D'Schéinheet vum Stärenhimmel erliewen

Night, Light & More: NORDLIICHTER

D’Naturparken Our an Öewersauer invitéieren e Samschdeg Owend häerzlech op hiert Opening-Event Nordliichter. Am Kader vum Festival Night, Light & More kritt een um 28. September am Europagaart zu Ëlwen eng magesch Atmosphär gebueden. Erlieft d’Nuecht mat all Äre Sënner. Eng faszinéierend Feiershow, kreativ Workshops, regionaalt Iessen, live-Musek an eng beandrockend Liicht-Projektioun suerge fir een onvergiesslechen Owend!

Bei Nordliichter gëtt net nëmmen ee villverspriechende Programm gebueden, mee och nach d’Geleeënheet genotzt, fir d’Visiteuren ze sensibiliséieren. Hei kritt Dir nämlech all Informatioune, wéi een aktiv géint Liichtverschmotzung virgoe kann a wisou et iwwerhaapt Handlungsbedarf gëtt.

D’Opening-Event Nordliichter riicht sech dobäi un déi ganz Famill. Ee besonneschen Highlight fir Kanner ab 6 Joer ass d’Liesung vu Mythen a Märercher ronderëm d’Nuecht, déi um 21:30 Auer ufänke wäert. Am Ganze luede siwe Workshops Grouss a Kleng an, d’Nuecht ganz nei ze entdecken. Mat Hëllef vun engem Apparat fir Nuets ze gesi kann een d’Roll vun engem nuetsaktiven Déier unhuelen a méi zu den Auswierkunge vum Liicht op d’Ëmwelt léieren.

Musikalesch ënnerstrach gëtt d’Evenement vun der italienescher Sopranistin Antonella Rondinone, dem Saxophonquartett Saxitude an der Blues-Band Kid Colling Cartel.

Nordliichter

Ganz gréng ënnerwee

All d’Evenementer vum Festival Night, Light & More verfollegen d’Zil, esou nohalteg wéi méiglech ze sinn, andeems komplett op Eeweeverpackunge verzicht gëtt. An Zesummenaarbecht mat der SuperDrecksKëscht gëtt op déi richteg Trennung vum Offall op der Plaz opgepasst.

Dobäi gi besonnesch lokal a regional Produiten ugebueden. Mat Fleesch, vegetareschen a veganem Iesse sollt den Honger vun all Persoun gestëllt kënne ginn.

Am Beschten a bequeemsten erreecht een Nordliichter mam ëffentlechen Transport. Wien trotzdeem net op den Auto verzichte wëll, dee soll den ausgeschëlderte Park & Ride bei der Gare oder der Industriezon notzen. Ee gratis Shuttle-Service bréng Iech op d’Plaz.

Alles op ee Bléck

D’Evenement Nordliichter fënnt um Samschdeg, den 28. September vun 21:00 bis 00:00 Auer am Europagaart zu Ëlwen statt. Den Entrée ass gratis.

Méi Informatiounen ënnert www.nightlightandmore.lu.

Related topics Ëlwen, Europagaart, Event, Light & More, Naturpark Our, Naturpark Uewersauer, Night, Nordliichter, Programm
Next post Previous post