Search

You may also like

An domat fält och den Escher Krëschtmoart aus
Neiegkeeten

An domat fält och den Escher Krëschtmoart aus

D’Stad Esch muss sech der aktueller Lag vun der Pandemie

Statut vum Kommunalpolitiker: Et huet konkret Proposen
Neiegkeeten

Statut vum Kommunalpolitiker: Et huet konkret Proposen

Bei der Comitéssëtzung vum Syvicol ee Méindeg 31. Mee gouf

CGFP: Fir eng Reform vun de Reformen
Neiegkeeten

CGFP: Fir eng Reform vun de Reformen

Um Méindegowend hat d‘CGFP zu senger 51. Konferenz vun de

Géint d’Massestierwen am Horesca-Secteur

Géint d’Massestierwen am Horesca-Secteur

Schonn zënter Méint leiden zuelräich Secteuren ënnert der sanitärer Kris. Besonnesch d’Hotellerie, d’Restauratioun an d’Caféen sinn duerch déi streng Restriktiounen an d’Fermeturen schwéier getraff ginn. Den OGBL fuerdert dofir méi konsequent ëffentlech Hëllefen an eng domat verbonne Garantie, dass den Mataarbechter hir Aarbechtsplaz erhale bleift.

E Méindeg hat sech hiren Exekutivcomité zesummefonnt, fir d’Situatioun an de verschidde Secteuren ze analyséieren. Déi ekonomesch a sozial Konsequenzen dinn un allen Ecker wéi. Virun allem den Horesca-Secteur, als ee vun den am schlëmmste betraffene Beräicher, bereet dem OGBL Suergen.

Vum 15. Mäerz bis den 29. Mee 2020 stoung déi éischt Fermeture un. Zënter dem 26. November 2020 sinn d’Dieren nees zou a bis ewell ass et den eenzege Secteur, deen no de Feierdeeg nach ëmmer vun der Fermeture betraff ass. Ma, och vu Mee bis November ass den Ëmsaz konsequent erofgaangen. De Client muss schliisslech den Ofstand anhale kënnen, wouduerch manner Persounen en Etablissement besichen dierfen.

D’Vertrauen ass gesonk – schliisslech besteet am Horesca-Secteur en héije Risiko zur Ustiechung. Fir d’Moossname vun der Regierung beschtméiglech ëmzesetzen si gläichzäiteg d’Käschten däitlech geklommen. An dësem Kader ass eng finanziell Hëllef net nëmme berechtegt, mee noutwenneg. D’Etablissement hu jo keen anere Choix, wéi weiderhin zou ze bleiwen.

Den OGBL freet sech, ob de Montant vun dëser finanzieller Hëllef wierklech konsequent genuch ass. A kritt een Hëllef versprach, soll de Staat dës esou schnell wéi méiglech un d’Entreprise bezuelen fir e „Massestierwen“ ze verhënneren.

Dës Ënnerstëtzung soll mat enger Garantie zur Aarbechtserhalung verbonne sinn. Entreprisen, déi vun der Moossnam profitéieren, sollen hire Salariéen net aus ekonomesche Grënn kënnegen dierfen. Aus dësem Grond proposéiert d’Gewerkschaft e sougenannten „Horecadësch“, bei deem sech all Acteure zesummefannen, fir iwwert en Aarbechtserhalungsplang ze diskutéieren.

Schonn am Dezember huet de Syndikat Alimentatioun an Hotellerie vum OGBL sech mat de Representante vun der HORESCA-Federatioun getraff an Iddien virgestallt, fir de Secteur ze schützen. Et besteet een ob eng weider Entrevue, dës Kéier mat den zoustännege Ministeren.

Duerch d’Pandemie stinn zuelräich Entreprisen an diverse Secteure virum Aus. Dofir soll generell d’Legislatioun zur de Faillitten iwwerschafft ginn. Och hei gëtt no Entrevue mat de Ministere gefrot.

Den offizielle Communiqué vum OGBL fannt Dir HEI.

Opmaacherbild: © Mika Baumeister / Unsplash

Related topics Aarbechtserhalungsplang, Fermeture, finanziell Hëllef, Horesca-Secteur, Hotellerie, OGBL, Pandemie, Restauratioun
Next post Previous post