Den OUNI mécht seng Dieren zou, Heemliwwerunge si weiderhi méiglech

Fir d’Gesondheet vun de Clienten a Mataarbechter ze garantéieren an de Moossname vun der Regierung gerecht ze ginn, mussen elo béid verpackungsfräi Bio-Buttecker vun OUNI fir déi nächst Zäit zou maachen. Bestellungen a Liwwerungen ginn weiderhi garantéiert.

Och wann den OUNI am Garer Quartier, wéi och zu Diddeleng elo net méi besicht kënne ginn, erméiglechen déi motivéiert Mataarbechter de Liwwerservice bis Heem. Donieft kann de Client seng Bestellunge per Telefon (28 12 56 20) oder Email (corona@ouni.lu) bei engem vun den zwee Butteker opginn.

D’Artikelen, déi zur Verfügung stinn, wéi och déi entspriechend Präisser fannt Dir ënnert corona.ouni.lu, respektiv an DËSER LËSCHT. Soubal d’Commande ageet, kritt Dir d’Zäit matgedeelt, wou Dir d’Artikele kënnt siche kommen.

Opmaacherfoto: © Martine de Lagardère/moien.lu