Search

You may also like

LOOK AT ME – Eng emotional Rees duerch d’mënschlech Diversitéit
Kultur Neiegkeeten

LOOK AT ME – Eng emotional Rees duerch d’mënschlech Diversitéit

Mir sinn all ënnerschiddlech, an awer gläich. Mam Projet „Look

money
Carte Blanche: De KPL-President zur Lag bei Guardian
Kultur Neiegkeeten

Carte Blanche: De KPL-President zur Lag bei Guardian

Guardian versicht d‘Aarbechter an d‘Ëffentlechkeet an d‘Ir ze féieren 201

Blutgott vum Veit Etzold – Spannung bis zum leschte Punkt
Kultur Neiegkeeten

Blutgott vum Veit Etzold – Spannung bis zum leschte Punkt

Blutgott (Droemer Knaur Verlag) vum Veit Etzold ass näischt fir zaart

Aktiv duerch den Hierscht: Mir presentéieren d’Ourdall Promenade

Grad am Hierscht erweise sech vill Lëtzebuerger Attraktiounen dobaussen als faarwefrout Schauspill. Op der Streck vu Veianen op Stolzebuerg – oder och ëmgekéiert – weist d’Ourdall Promenade, datt een #VakanzDoheem och nom Summer nach fantastesch gestalte kann.

D’Ourdall Promenade, déi am Juni 2015 ageweit ginn ass, stoung scho säit Ufank des Jores op menger Lëscht un Aktivitéiten, déi ech onbedéngt zu Lëtzebuerg ënnerhuele wéilt. Datt mir spontan als éischt Etapp vun eisem Trëppeltour decidéiert hunn, um Veianer Niklosbierg d’SEO-Waasserkraftwierk kucken ze fueren, sollt sech nach als gudden Afall erausstellen, a recommandéieren ech soumat och all Persoun, déi de Wee an Zukunft goe wëll.

Nodeems mir schliisslech den Auto um Parking an der Rue du Vieux Marché stationéiert hunn, konnt et endlech lass goen. Iwwert de ganze Wee begleeden een raschteg-rout „Portaler“ , sou wéi 10 Tafelen, ob deenen nëtzlech Informatiounen zur Ëmgéigend, zur Geschicht vun der jeeweileger Plaz, oder dem Späichere vu Waasser stinn (ech sot jo, datt de klenge Schlenker op den Niklosbierg nach nëtzlech wäert sinn).

Wärend um Internet déi pittoresk Landschaften an déi schéin Holzstege laanscht d’Waasser presentéiert ginn, ware mir déi éischt Kilometer nawell e bëssen enttäuscht. D’Streck ass laanscht d’Strooss verlaf a vun der Rou an der Natur konnt een net schwätzen. Ma, dës éischt kleng Enttäuschung sollt awer schnell nees gutt gemaach ginn.

Nodeems et nämlech als éischt iwwert, an dunn ënnert enger Bréck erduerch gaangen ass, koum endlech d’Gefill vun Aventure a Genoss op. De Bësch an d’Our hu sech ofgewiesselt mat klengen Ablécker an d’Dierfer. A grad mat de faarwege Blieder, déi d’Beem bei all Wandzoch ofgeheien, erlieft een eng magesch Atmosphär.

Och de bänzeg erwaarten Holzsteg, deen eis vun de Fotoe bekannt war, ass opgedaucht a konnt uschléissend vun enger immens bequemer Holzlieg aus bewonnert ginn. An dann déi Rou – fantastesch!

Den Trëppelwee, deen iwwregens 8,5 Kilometer laang ass, leet een zum Schluss iwwert déi däitsch Säit op Stolzebuerg. Do ukomm ginn et e puer Méiglechkeeten:

  • Retour mam ëffentlechen Transport
  • E Rondwee (insgesamt dann 19,5 km)
  • Oder et hat een en zweeten Auto un der Arrivée geparkt.

Ob zu Fouss oder um Vëlo, d’Ourdall Promenade sollt ee grad elo am Hierscht emol gemaach hunn. Net nëmmen kënnt een un déi frësch Loft, et léiert een ënnerwee och nach dobäi.

Eng Kaart mat den Informatiounen zur Ourdall Promenade fannt Dir HEI.

Billergalerie © Shari Pleimelding/moien.lu

Related topics #VakanzDoheem, Genoss, Holzsteg, Informatiounstafelen, Niklosbierg, Ourdall Promenade, Rou, SEO, Stolzebuerg, Veianen
Next post Previous post