Search

You may also like

Nofolleg vum „Jott Zé Jott“ suergt fir vill Gespréich an de Kulisse vu Bréissel
Neiegkeeten

Nofolleg vum „Jott Zé Jott“ suergt fir vill Gespréich an de Kulisse vu Bréissel

D‘Mandat vum Jean-Claude Juncker als President vun der EU-Kommissioun geet

Lëtzebuerg ass op dat schlëmmst Virbereet
Neiegkeeten

Lëtzebuerg ass op dat schlëmmst Virbereet

De CGDIS ass voll ëmfänglech operationell, och wann et richteg

De Beetebuerger Laf am Zeeche vun der Erënnerung
Neiegkeeten

De Beetebuerger Laf am Zeeche vun der Erënnerung

Organiséiert vu „Spiridon 08 “, ass de Beetebuerger Laf de

Passerelle: Déi aner Siicht op d’Gëlle Fra

Um Sonndegmuere gouf ënnert dem Pont Adolphe déi vill beschwate Passerelle fir d’Cyclisten ageweit. E sëlleche Virwëtzeger haten sech den Rendez-vous am Kalenner rout ugemoolt a wollten zu den Éischte gehéieren. Se sollten dann och net enttäuscht ginn.

Mat der Passerell déi leschten Informatiounen no gutt a gäre siwe Milliounen Euro kascht huet, ass een allerdéngs wäit ewech vun engem klassesche Vëloswee. Fir de Foussgänger op der Bréck aus de „Féiss“ ze goen, hat den Infrastrukturministère no enger besserer Léisung gesicht. Vill Alternativen huet et net ginn.

Esou ass d’Iddi opkomm, datt et dach einfach misst sinn, eng Bréck ënnert der Bréck unzeleeën. Déi verleeft dann elo och tëscht de Béi vum Pont Adolphe an ass vu bausse kaum ze gesinn. Vu bannen ass et awer eng erstaunlech Vue déi den Cyclist erwaart. Duerch d’Béi vun der Bréck huet een eng aussergewéinlech Siicht op d’Stad, an am besonneschen op d’Gëlle Fra an op d’Péitruss.

Fir den Infrastrukturminister ass ne neie Vëloswee dann och ee „Qualitéitsprong fir d’Vëlosfueren an der Haaptstad“. De François Bausch huet et sech dann och net huele gelooss mam eegenen Drotiesel d’Passerell ze befueren. Begeeschtert war de Minister awer net nëmme vun der Passerell. Besonnesch gefreet huet hien de groussen Zousproch op dësem Sonndegmueren.

Natierlech huet sech och d’Buergermeeschtesch iwwert déi nei Attraktioun erfreet gewisen. D’Lydie Polfer huet dann awer hir Suerg zum Ausdrock bruecht, datt d’Passerell och kéint eng onerwënschte Clientèle unzéien. Dat wier awer kee Sujet um Dag vun der Aweiung, wou d’Freed an d’Convivialitéit bestëmmend wieren.

D’Lydie Polfer huet dann och d’Geleeënheet genotzt, fir op d’Mobilitéitswoch hinzeweisen. Déi hat schonn um Samschdeg ugefaangen an d’Stad huet sech dëser mam Slogan „D’Stad ass schéin“ ugeschloss. Dat war dann och de Grond firwat de komplette Stadzentrum fir den Autosverkéier gespaart ginn ass. Den ëffentlechen Transport war dofir gratis.

Billergalerie: © Martine de Lagardère/moien.lu

Related topics François Bausch, Lydie Polfer, Pont Adolphe, Stad Lëtzebuerg, Vëlo
Next post Previous post