Search

You may also like

Tëschefäll un de Grenze vun Europa
Neiegkeeten Stories

Tëschefäll un de Grenze vun Europa

Nach ëmmer hoffe vill Flüchtlingen an der Tierkei sech iwwert

Norwegen: No Terroruschlag sëtzt en 20 järegen am Prisong
Neiegkeeten Stories

Norwegen: No Terroruschlag sëtzt en 20 järegen am Prisong

An engem Viruert vun Oslo, huet e jonken Norweger e

What the Fakt – D’Doudesstrooss vu Kuwait 1991
Neiegkeeten Stories

What the Fakt – D’Doudesstrooss vu Kuwait 1991

Zur Zäit vum Zweete Golfkrich ass eng Strooss tëscht Kuwait

Pipo Peng: E Pak Kichelcher

2 - E Pak Kichelcher

Pipo Peng: E Pak Kichelcher

Virwuert:
All Sonndeg gëtt eng Kuerzgeschicht aus dem Liewe vum Pipo Peng hei publizéiert. Dëst soll als kleng Hommage un de Guy Rewenig, stellvertriedend fir eng Rei Auteuren aus menger Kandheet, gesi ginn. Als Kand hunn ech all Owend de Kassetterekorder ugeschmass – De Bib bei de Wiichtelcher, de Maulef beim Weier, de Kréckel Néckel souwéi d’Famill Wibbelmaus waren all dobäi. Dat Wierk, wat mech awer am meeschten inspiréiert huet fir selwer Geschichten ze schreiwen, war dem Här Rewenig säi Muschkilusch. Grouss a Kleng solle sech drun erfreeë kënnen.

Deel 1 – Mäin Numm
Deel 2 – E Pak Kichelcher
Deel 3 – D’Mega-Jick
Deel 4 – Tutebatti
Deel 5 – t’Franséischt
Deel 6 – Zockerlili
Deel 7 – Eng flott Moss
Deel 8 – Domm Elteren
Deel 9 – Schëppen Damm
Deel 10 – Dee Séiersten op der Welt
Deel 11 – De Karton schafft
Deel 12 – Agent 007
Deel 13 – En décke Badetti
Deel 14 – Wat ass giel a schéisst?
Deel 15 – De Büfdeck
Deel 16 – Vum Picasso gemoolt
Deel 17 – Märeler Park

2 – E Pak Kichelcher

Dobäi fält mer an, datt grad nees keng Loft méi a mengem Vëlo ass. Fréier hunn ech dat och guer net gebraucht. Do hat ech nämlech nach en Dräirad mat Plastiks-Pneuen. Ënnen an der Strooss hu mir Kanner ëmmer am „Rondel“ gespillt. De Rondel war de Schluss vun der Strooss a war ebe ronn, sou einfach. Enges Daags huet meng Mamm mir e Pak Kichelcher matginn a sot zu mir „Pipo, maach, datt s de deenen anere Kanner och e Kichelche gëss!“ Ech hunn de Sëtz vu mengem giel-rouden Dräirad an d’Luucht geklappt, de Pak dragemaach a sinn dunn domat an de Rondel bei déi aner Kanner gefuer. Wéi ech bei Ubroch vun der Däischtert nees doheem war, sinn ech du vu menger Mamm gefrot ginn, ob ech deenen aneren dann och all e Kichelche ginn hunn. „Nee.“ hunn ech gesot, „Ech hu se awer dru riche gelooss!“.

Deemools war ech u Generositéit a Selbstlosegkeet net ze iwwerbidden. Haut géif ech dat wuel ganz anescht maachen. Ech géif deenen aneren iwwerhaapt näischt vun de Kichelcher zielen a se duerno einfach eleng iessen. An ech géif och net méi mam Dräirad duerch d’Géigend fueren. Entweder mam Vëlo oder mat de Rollerblades. Meng Rollerblades hunn ech deemools kritt, wéi ech de Brevet am Schwamme gepackt hunn. Direkt hunn ech se ugedoen a sinn du wéi e Weltmeeschter duerch de Quartier domat gefuer. No kuerzer Zäit konnt ech och scho wéi déi cool Kanner bremsen – säitlech mat engem Fouss. Net mat deem schiele Gummisstéck hannen.

 

Related topics Kuerzgeschichten, Lëtzebuerger Literatur, Melvin Hatto, Pipo Peng
Next post Previous post