Search

You may also like

D‘Dréchent dréckt eise Baueren op d‘Gemitt
International Neiegkeeten

D‘Dréchent dréckt eise Baueren op d‘Gemitt

Besonnesch eise Véiziichter an Mëllechbaueren deet d‘Dréchent ëmmer méi wéi.

What the Fakt – Wéi den Harry Potter an déi schrecklech Kummer komm ass!
International Neiegkeeten

What the Fakt – Wéi den Harry Potter an déi schrecklech Kummer komm ass!

Kaum ze gleewen: Viru genau 21 Joer ass dem J.

Rotondes: Den offizielle Programm bis de 4. Oktober 2020
International Neiegkeeten

Rotondes: Den offizielle Programm bis de 4. Oktober 2020

Vu Kultur, Musek a Konscht, iwwert Konferenzen, Workshops an Atelieren

Pyongyang versteet et Akzenter ze setzen

Fir de 75. Gebuertsdag vun der Aarbechterpartei haten sech d‘Nordkoreaner eng afale gelooss

Pyongyang versteet et Akzenter ze setzen

Mat enger grousser Militärparad – matten an der Nuecht – zu Pyongyang, ass de Gebuertsdag vun der Aarbechterpartei zelebréiert ginn. De Chef vum Betrib, Kim Jong-un, huet a senger Ried eng nawell ongewéinlech Ausso gemaach.

Et war däischter Nuecht an der nordkoreanescher Haaptstad, wéi d‘Militärparad stattfonnt huet an. Op der Staatstëlee KCTV ware dausenden Zaldoten ze gesinn: bewaffent Eenheeten an gepanzert Gefierer… Observateure ginn dovunner aus, datt et sech dobäi ëm eng Opzeechnung handelt déi an der Nuecht zum Samschdeg gemaach ginn ass. Bis dohinner ass nach alles esouwäit „normal“.

An du koum de Kim Jong-un, senges Zeechen Diktator a Fan vum Donald Trump. Hien huet sech – et ass esou onwarscheinlech datt et kaum néierzeschreiwen ass – a senger Ried bei senge Landsleit fir d‘Liewensverhältnisser an Nordkorea entschëllegt. Hie géif sech schummen, dat enormt Vertraue vun der Bevëlkerung net sengem Wäert entspriechend gewierdegt ze hunn. Abee Merd Alors!

„Méi Beméiungen an d‘Higab waren net ausräichend, fir eis Vollek aus senge schwieregen Zäiten erauszeféieren“, esou de „Béise Jong“ vu Pyongyang. Et war natierlech kee Scholdageständnes, déi entfält op déi international Sanktiounen, Naturkatastrophen an de Coronavirus. Mee et kann een hei scho behaapten, datt de Kim Jong-un hei en „emotionalen“ Androck gemaach huet.

Un der Parad hunn dann och emol nees, fir d‘éischt zanter 2018, wou hie sech mam US-President déi éischte Kéier getraff hat, Gefierer mat ballistesche Laangstreckerakéiten deelgeholl. An esou huet de Kim nieft Entschëllegung dem Vollek och ee Verspriechen zum beschte ginn: Hie géif elo d‘Verdeedegungskraaft weider ausbauen… Dat wäert net ze bessere Liewenskonditioune féieren.

Interessant och nach d‘Feststellung, datt weder Zaldoten nach déi bestallte Statisten, déi d‘Roll vun „Vollek“ gespillt hunn, Maske gedroen hunn. De Grond dofir fënnt sech och nees an der Ried vum Kim Jong-un erëm. An dëser huet hie festgehalen, datt sech ewell nach keen eenzege Bierger an Nordkorea mam Covid19 ugestach huet. Och dat verständlech, d‘Grenze sinn hermetesch zou.

mat indymedia/sel

Foto: © KCTV

Related topics Aarbechterpartei, Jubiläum, Militärparad, Nordkorea, Pyongyang
Next post Previous post