Search

You may also like

Top 5 skurrilst Petitiounen zu Lëtzebuerg
Kultur Neiegkeeten

Top 5 skurrilst Petitiounen zu Lëtzebuerg

Eise Petitiounssystem huet scho fir flott Diskussioune gesuergt. Och wann

Clausel „Black Munster“ – Dee geheimnisvollen aus der Stad
Kultur Neiegkeeten

Clausel „Black Munster“ – Dee geheimnisvollen aus der Stad

Bei dësem ganz exzellente Béier vun der mëttlerweil gutt etabléierter

Sea Shepherd: Och beim Sport géint de Massaker u Mieresliewewiesen
Kultur Neiegkeeten

Sea Shepherd: Och beim Sport géint de Massaker u Mieresliewewiesen

Gëschter, den 12. Dezember 2020, huet d’Lëtzebuerger Handballnationalequippe géint d’Färöer

Kennt dir scho Radio Péiteng?

Kennt dir scho Radio Péiteng?

De Lëtzebuerger Sender vu Radio Péiteng, deen op der Frequenz 102.2 ze fannen ass, spillt nieft der internationaler Popmusek och national Musek. D’Chartboxxx besteet zënter dem Mee 2018, deemools war en nach op enger anerer Frequenz ze fannen.

Ee Mol am Mount, ëmmer Samschdes vun 13 bis 17 Auer, ginn d’Top 50 presentéiert. Domat awer nach net genuch: All leschte Sonndeg am Mount (eventuell och an Zukunft zwee Mol de Mount) stinn d’Super 16 um Programm, woubäi nëmme Lëtzebuerger Artisten dra vertruede sinn.

Radio Péiteng
D’Super 16 vum Februar 2021

Fir d’Placéierung gëtt net ofgestëmmt, mee et gëtt gekuckt wéi dacks d’Videoen an engem bestëmmten Zäitraum gekuckt gi sinn. Et ass nämlech esou, datt déi national Musek zimlech onbekannt ass – an dobäi hu mir richteg gutt Kënschtler hei am Land opzeweisen. Et muss een „dem Onbekannte“ just eng Chance ginn.

De Radio Péiteng ass iwwregens iwwert verschidde Radio-Apps a via Internet ze fannen. Fir Ofwiesslung suerge verschidden Emissiounen, wéi Good Morning Café, Wonschconcert, History, Rock it a villem méi. Op der Websäit vum Radio sinn och al Interviewe mat Lëtzebuerger Kënschtler ze fannen. A wann ee bis an d’Musek eragelauschtert huet, freet e sech, firwat sou gutt Saachen aus eisem Land vun anere Radiosenderen ignoréiert ginn.

Virwëtzeg? Da lauschtert mol eran – Et ass wierklech fir jiddwereen eppes dobäi!

Related topics Chartboxxx, Good Morning Café, Lëtzebuerger Artisten, Musek, Radio Péiteng, Super 16, Wonschconcert
Next post Previous post