Search

You may also like

Spuenien: De Pedro Sanchez ass Ministerpresident
International Neiegkeeten

Spuenien: De Pedro Sanchez ass Ministerpresident

De sozialistesche Kandidat Pedro Sanchez ass ëmstridden an op d‘Toleréierung

Spärung vum Reckendall ab dem 30. August 2021
International Neiegkeeten

Spärung vum Reckendall ab dem 30. August 2021

D’Stad Lëtzebuerg deelt mat, datt de Reckendall ab dem 30.

Den Elsy Jacobs Festival start d’Saison!
International Neiegkeeten

Den Elsy Jacobs Festival start d’Saison!

Den Elsy Jacobs Festival fänkt e Freideg un an hält

Rambazamba fir d‘Ursula

Justizausschoss vun der EU-Kommissioun stellt sech géint d‘Kandidaten aus Rumänien an Ungarn

Rambazamba fir d‘Ursula

Da mengs de du häss alles am Grëff, an da stellen sech deng Kontrollorganer queesch. Fir d‘Ursula von der Leyen, déi nei EU-Kommissiounspresidentin mat liicht konservativem Touch, leeft et nach net esou. Bei enger éischter Iwwerpréiwung duerch de Justizausschoss vum EU-Parlament, sinn déi vu Rumänien an Ungarn virgeschloe Kandidaten, wéinst „Interessekonflikter“ duerchgefall.

Esou huet den Ausschoss gëschter Donneschdeg sech géint d‘Rovana Plumb (Rumänien) gestallt, esou datt si elo net zu den Unhéierungen an de Fachausschëss zougelooss ass. Si wier eigentlech an der „von der Leyen Kommissioun“ virgesinn de Verkéiersressort ze iwwerhuelen. Domm just, datt d‘Rovana Plumb zouginn huet, 170.000 Euro un déi regéierend sozialdemokratesch Partei gespend ze hunn, mat deem hire Wahlkampf sollt finanzéiert ginn. Eng Informatioun déi eppes spéit koum.

Den zweeten am Bond, ass den Ungar Laszlo Trocsanyi (rietsradikal) géint deen et e Virbehalt gëtt. Dem Politiker aus dem Donstkrees vun der rietsradikaler Fidesz vum Ministerpresident Viktor Orban gëtt ënnerstallt, datt seng Bedeelegung un enger Affekoten-Etüd als en Interessekonflikt ze bewäerten ass. De Politiker deen zu kengem ament en Heel aus senger Friemefeindlechkeet an Homophobie mécht, soll fir d‘Noperschafts- an Erweiderungspolitik verantwortlech sinn.

mat indymedia/bru

Related topics EU-Kommissär, EU-Kommissioun, Laszlo Trocsanyi, Rovana Plumb, Ursula von der Leyen
Next post Previous post