Search

You may also like

De wichtegste Stopp vum Dag: Sensibiliséierungscampagne bei Barrièren
Neiegkeeten

De wichtegste Stopp vum Dag: Sensibiliséierungscampagne bei Barrièren

D’CFL deelt mat, datt een och dëst Joer nees um

En zweet Fréijoer fir de Covid19?
Neiegkeeten

En zweet Fréijoer fir de Covid19?

Italien ass no den USA, Brasilien, Mexiko, Indien, Russland a

What the Fakt – Vum Beatle zum Ritter erhuewen
Neiegkeeten

What the Fakt – Vum Beatle zum Ritter erhuewen

Um 11. Mäerz 1997 huet d’Queen Elizabeth II. de Paul

read-y: Déi nei digital Bibliothéik fir Schüler

read-y: Déi nei digital Bibliothéik fir Schüler

Zesumme mat der Lëtzebuerger Nationalbibliothéik (BnL) an der Ënnerstëtzung vu Digital Luxembourg huet de Ministère fir Bildung, Kanner a Jugend déi nei Bibliothéik read-y lancéiert. Ugepasst un d’Jugend kënnen Lycées-Schüler bequem an einfach iwwert hire Smartphone, Tablett oder Computer op iwwer 20.000 digital Bicher zougräifen.

Elo wou d’Schoulvakanz méi no kënnt, an awer nach zuelräich Aktivitéiten ewechfalen, kéint d’Loscht op e Buch klammen. Ma, all Schüler, deen un enger ëffentlecher oder privater Schoul, déi den nationale Programm duerchhëlt, ugemellt ass, ka vum Räichtum vun read-y profitéieren. Déi iwwer 20.000 Bicher sinn dobäi virun allem op Englesch, Däitsch a Franséisch. Och d’Léierpersonal, d’Direktioun a Bibliothekäre vun de Lycéeën hunn Zougrëff.

Déi digital Bibliothéik ersetzt net d’Lecture am Cours, wouduerch och eng Rëtsch Bicher net um schoulesche Programm baséieren. Virun allem soll et ëm d’Freed um Liesen duerch en einfachen Zougang op d’Jugendliteratur goen.

read-y

A wéi geet dat?

Et benéidegt een zu aller éischt emol een IAM-Konto. Iwwert d’App Sora (iOS an Android) oder d’Internetsäit ready.script.lu mellt de Schüler sech dann un. Schüler iwwer 14 Joer, déi eng Kart bei der Nationalbibliothéik oder enger anerer ëffentlecher Partnerbibliothéik vun ebooks.lu hunn, kënnen och op d’Material vu read-y zeréckgräifen.

Ab Mëtt Juli wäert d’Offer vu read-y an d’Offer vun ebooks.lu integréiert sinn, wou elo schonn 150.000 elektronesch Bicher waarden gelies ze ginn. Folgend Funktiounen huet read-y:

  • Offline Lecture;
  • Reservatioun vu Bicher, déi nach vun enger anerer Persoun genotzt ginn;
  • Recherche vun Definitiounen am integréierten Dictionnaire;
  • Erstellen a späichere vun Notten a Kommentaren.

De Projet read-y ass natierlech erweiderbar, wouduerch reegelméisseg nei Bicher bei d’Offer dobäi kommen. Ab elo wäerten d’Schüler an hire Schoulen duerch Affichen op déi nei Bibliothéik opmierksam gemaach ginn.

Related topics Bibliothéik, Bicher, BnL, ebooks, Jugend, Liesen, Literatur, read-y, Schoulvakanz, Schüler, Sora
Next post Previous post